ANG Israeli national team ay tahimik na nag-eensayo sa Pilipinas bilang paghahanda para sa Tokyo Olympics na nakatakda sa July 23.
Isiniwalat ni Philippine Swimming Inc.(PSI) president Lani Velasco na ang Israeli swimming team na sasabak sa Olympics ay dumating nakaraang Bi-yernes para sa kanilang final stretch ng prepara-syon.
Binubuo ng 11 swimmers at anim na opisyal, ang pangkat ay nasa ilalim ng bubble-type training setup sa New Clark City Aquatic Center sa Capaz Tarlac.
Sa naturang venue ginanap ang 30th Southeast Asian Games swimming competitions noong 2019.
“It is my pleasure to welcome Israel’s Olympic swimming team to our country,” Wika ni Velasco sa Facebook post Lunes, July 12.
“We hope that our people and our facilities… ultimately help these athletes acclimatize to the Asian time zone and weather conditions and, ultimately, prepare for the Olympics.”
Pinasalamatan ni Velasco ang lokal opisyal sa suporta na ibinigay sa Israeli team pati na rin sa Israeli squad sa pagtiwala sa bansa na tulungan sila sa kanilang Olympic preparations.
Ang Israelis ay lilipad patungong Tokyo sa July 19 na ang swimming event ay magsisimula sa July 24 sa Tokyo Aquatic Centre.
Samantala, lima sa 19 na Filipino qualifiers ay nag-eensayo sa bansa para sa Olympics sila rower Cris Nievarez, taekwondoo jin Kurt Barbosa, skateboarder Margielyn Didal, weightlifter Elreen Ando at shooter Jayson Valdez.
Ang natitirang atleta ay kasalukuyang nasa abroad sina golfers Yuka Saso, Bianca Pagdanganan, sprinter Kristina Knott at boxer Eumir Marcial ay mangagaling sa United States, weightlifter Hidilyn Diaz mula sa Malaysia, pole vaulter EJ Obiena mula Italy, Juvic Pagunasan mula England, at boxers Irish Magno, Nesthy Petecio at Carlo Paalam sa Thailand.
Judoka Kiyomi Watanabi at Gymnst Carlos Yulo ay naka based sa Japan.
The post Israeli swimming team nag-eensayo sa Clark appeared first on Police Files! Tonite.
Source: Police Files Tonite
Walang komento: