HINDI na umabot ng buhay sa pagamutan ang isang menor de edad habang nasa kritikal na kondisyon ang 12 iba pang sakay ng isang jeep na nahulog sa bangin sa bahagi ng Tanudan–Banaue National Road sa Maraggob, Dupligan, Tanudan, Kalinga.
Kinilala ang nasawi na si Jandy Bulawit Gallamoy, 16 anyos, residente sa nasabing lugar.
Sa report, galing ang jeep sa Tabuk City at pauwi ng Maraggob nang mawalan ito ng preno habang nasa pataas na bahagi ng kalsada at hindi na nakontrol ng driver na si Loui Cuminag ang pagdausdos ng sasakyan hanggang sa nahulog sa bangin na may pitong metrong lalim.
Sa pagsisiyasat ng pulisya, nabatid na overloading ang sanhi ng aksidente. (Rey Velasco)
The post Jeep nahulog sa bangin: 1 lasog, 12 grabe appeared first on Police Files! Tonite.
Source: Police Files Tonite
Walang komento: