Kambal isinilang na magkadikit ang katawan

LAKING tuwa ni Donna Sabsalon at ng kaniyang mister nang malaman nila sa ultrasound na kambal ang kanilang magiging anak. Pero ang tuwa, napalitan ng lungkot nang mailuwal na kamakailan ang mga sanggol sa Malay, Aklan.

Ang kambal kasi na babae na isinilang ay magkadikit mula dibdib hanggang pusod. Dahil sa kanilang pagkakadikit sa dibdib, hirap silang hanapan ng komportableng posisyon sa paghiga.

Hirap ding huminga ang kambal kaya inilagay sila sa ICU.

Upang malaman kung maaaring paghiwalayin ang kambal, kinailangang ibiyahe ang mga sanggol sa mas malaking ospital sa Iloilo noong Biyernes ng umaga.

Gayunman, hatinggabi noong Sabado, pumanaw ang kambal.

The post Kambal isinilang na magkadikit ang katawan appeared first on Police Files! Tonite.

Source: Police Files Tonite