SORSOGON CITY – Arestado ang mag-ama na “poste” ng rebeldeng grupong NPA nang ihain sa mga ito ang search warrant sa paglabag sa RA 1059, illegal possession of firearms and ammunition, sa bayan ng Esperanza, Masbate.
Kinilala ang mag-ama na sina Prudencio Rosales Borado Sr., 65-anyos, magsasaka; at Prudencio Saraga Borado Jr., 26, binata, casual employee ng LGU Esperanza, at parehong naninirahan sa Sitio Harapay, Baragay Villa ng nasabing bayan.
Sa ulat, unang hinainan ng search warrant ang matandang Borado at nagresulta ito sa pagkasamsam ng isang kalibre. 45 pistola na kargado ng 5 bala.
Sa hiwalay na search warrant sa batang Bordado, narekober dito ang isang kalibre .45 pistola na kargado ng 5 bala at isang hand grenade.
Ayon sa report, ang mag-ama ang masugid na miyembro ng Militia ng Bayan (MB) sa ilalim ng pamumuno ni Rogelio Suson alias Manong.
The post Mag-ama na poste ng NPA arestado appeared first on Police Files! Tonite.
Source: Police Files Tonite
Walang komento: