Bukod sa pointguard ay kailangan din ng Lakers ng sentro para makumpleto ang rekado.
Kung posible maging kasapi ng 2019-2020 champ sina Russell Westbrook, Chris Paul at si Spencer Dinwindle ay maari rin maging miyembro via free agency sina Hassan Whiteside ng Sacramento at Dwight Howard ng Philadelphia. Parehong mga unrestricted free agents sila.
Bale ikatlong tour of duty na ni Howard ito at kauna-unahan naman ni Whiteside.
Kung mananatili si Marc Gasol ay tatlo silang magpapalitan sa 5.
Pulos malalaking mama ang mga iyan pero si Gasol mas pwede sa labas pumusisyon. May tira sa tres ay mahusay pumasa. Kina Hassan at Dwight ay may magaling na mga rebounder at ring protector ang grupo ni Coach Frank Vogel.
Mabibingwit nila ang dalawa sa veterans minimum at tiyak hindi aabot sa salary cap ang koponan ni Jeannie Buss.
Nguni’t kailangan kumilos na ngayon si Rob Pelinka bago maunahan ng ibang prangkisa lalo na ng may mga may pera pang pampasweldo.
***
Si Eumir Marcial nasa Tokyo Olympics ngayon para sa Pilipinas habang si Mane Pakyaw nasa Las Vegas para sa prize money sa boksing. Sino ang makabayan ang layunin? Sino kaya ang palarin?
***
Si G. Raymundo N. Fortaleza Sr ang naging susi ng tagumpay ng mga Fighting Fortaleza Bros. Utang nila sa disiplina at vision ng ama ang kanilang mga medalya sa boksing at mga college degree. Ang may-ari ng maliit na Fortaleza Tailoring sa Leveriza, Malate, Manila ang nagtanim sa mga isip ng kanyang mga anak na tapusin ang mga pag-aaral kahit pa mga kampeon na boksingero na sila. Mahigpit din ang kanilang tatay pagdating sa tamang pagpapalaki sa kanilang mga magkakapatid. Napapalo pa sila noon kapag may nagsumbong sa llider ng kanilang lugar.
“Ibig ng aming magulang na walang masabi ang mga kapitbahay, tama man o hindi ang reklamo,” eka ng mga mag-uutol.
“Siyempre nandiyan din ang pag-aaruga ni nanay sa aming malaking pamilya,” dugtong ng mga mababait na mga anak.
“ Ako umabot sa 9 na taon sa FEU bago ako natapos pero hindi ko sinukuan ang aking kurso,” kwento ni Ric Fortaleza, ang kuya nina Rey at Roger sa panayam natin sa 3 sa OKS noong Lunes.
The post L.A. bagong bihis! appeared first on Police Files! Tonite.
Source: Police Files Tonite
Walang komento: