BUMULAGTA ang isang lalaki nang barilin sa harap ng kaniyang ina sa Purok 4, Barangay Colonsabac, Matanao, Davao del Sur, Miyerkoles ng umaga.
Kinilala ang biktima na si Cristobal Mangcal Akdang, 27 anyos; habang ang salarin ay na ‘di pinangalanan ay ang 49-anyos na balae ng kaniyang ina.
Sa ulat, pumunta sa Barangay Colonsabac ang biktima kasama ang kaniyang ina para maghatid ng pera sa bahay ng salarin para may magamit panggastos sa 40 days mula sa pagpanaw ng bayaw ng biktima.
Mabuti umano ang pag-uusap ng salarin at ng ina ng biktima nang matanggap ang pera.
Pero bigla lang umanong pumasok ang salarin sa bahay nito at lumabas na may dala nang baril. Binaril ang biktima sa ulo.
Paghihiganti ang tinitingnan motibo sa krimen.
Ayon sa pulisya, inakusahan ng salarin ang biktima na siyang pumatay sa kaniyang anak noong Hunyo 26.
Pinaghahanap pa ng awtoridad ang salarin na tumakas matapos ang pamamaril.
The post Lalaki binaril sa harap ng ina sa Davao del Sur appeared first on Police Files! Tonite.
Source: Police Files Tonite
Walang komento: