Bulacan – Arestado ang dalawang binata nang mahulihan ng P680,000.00 halaga ng shabu sa buy-bust operation sa San Jose Del Monte (SJDM).
Kinilala ang mga nadakip na sina Marlon Abarca,31anyos, dating nakulong sa kasong iligal na droga at residente ng Barangay Mayamot; at Ron Mark Reyes, 36, ng Bgy. Cupang, Antipolo City.
Ikinasa ang operasyon ng pinagsanib na mga elemento ng PNP DEG SOU-4B 9:30 ng hapon ng Linggo, July 25, sa parking lot ng isang drugstore sa Bgy. Gaya Gaya, SJDM.
Nakuha sa mga nadakip ang dalawang plastic sachet ng shabu na may timbang na 100 gramo worth P680,000, 2 cal.38, mga bala, celphone, at itim na Toyota Vios (A2G058).
Nabatid na sangkot at katuwang ang dalawa sa illegal drug operations ng isang nagngangalang Jay Leon na nakakulong sa National Bilibid Prison.
Samantala, timbog ang isang tulak ng iligal na droga sa buy-bust operation sa Caloocan City nitong Lunes ng madaling araw.
Kinilala ang naaresto na si Christian Mendioro, 44 anyos, watch-listed, ng 83 Baltazar St., Barangay 69.
Isinagawa ng mga operatiba ng SDEU kasama ang 6th MFC RMFB-NCRPO ang buy-bust operation kontra Mendioro sa kanyang bahay 2:30 ng umaga.
Nasamsam kay Mendioro ang humigit kumulang sa 15 gramo ng shabu na may standard drug price P102,000 at buy bust money.(James de Jesus)
The post Mga tulak huli sa Bulacan at Caloocan appeared first on Police Files! Tonite.
Source: Police Files Tonite
Walang komento: