PATAY ang isang misis nang pasukin sa kusina at pagbabarilin ng kanyang dating kalaguyo sa Purok-4, Barangay Nabonton, Ligao city, Albay, Martes ng gabi.
Dead-on-arrival sa pagamutan dahil sa dalawang tama ng punglo sa likod si Katrina Bartolome Pedres, may asawa at residente ng nasabing lugar.
Tinutugis na ang salarin na nakilalang si Rodel Mansion Bongol alyas “Roque”, 39, binata at residente sa nasabing barangay.
Sa ulat, 7:00 ng gabi habang nasa kusina ang biktima nang pumasok sa loob ng kanilang bahay ang salarin at pinagbabaril ang ginang habang nakatalikod. Narinig ng asawa nito na si Norman na nasa labas ang magkasunod na putok at pagpalahaw ng asawa kaya mabilis na pumasok at naabutan pa nito ang salarin sa kusina habang nakahandusay ang misis.
Agad pinagbabato ng mister ang salarin kaya tumakbo patakas sa hindi malamang direksyon.
Ayon kay Norman, posibleng ang naputol na “maling relasyon” ng kanyang misis at salarin, at ang isinampa niyang kaso sa tangkang pamamaril sa kanya noon ang posibleng dahilan sa krimen.
The post Misis pinasok sa bahay, kinatay ng ex-lover appeared first on Police Files! Tonite.
Source: Police Files Tonite
Walang komento: