DAVAO DE ORO – Patay ang isang pulis nang mabangga ng multicab ang minamaneho nitong motorsiklo sa bayan ng Mabini, Davao de Oro nitong Lunes.
Kinilala ang biktima na si Patrolman Jeswin Mendo, 25, ng Barangay Del pilar, Mabini.
Ang driver ng multicab ay kinilalang si Jerome Veto, nakatira sa nasabing lugar.
Sa report ng Mabini Municipal Police Station, 9:00 ng gabi naganap ang insidente sa Purok 3, Bgy. San Antonio, ng naturang bayan.
Ayon sa ulat, minamaneho ng pulis ang kanyang motorsiklo at kasunod nito si Veto nang bigla na lamang itong salpukin sa likurang bahagi. Sa lakas ng pagkakasalpok ay tumilapon ang pulis at nagtamo ng matinding pinsala sa ulo at katawan, sanhi ng kanyang kamatayan.
Kasalukuyang nakakulong sa nasabing himpilan at nahaharap sa kasong reckless imprudence resulting to homicide si Veto.
The post Parak dedo sa salpok ng multicab appeared first on Police Files! Tonite.
Source: Police Files Tonite
Walang komento: