SOBRANG lupit ng kaligayahang nararamdaman ng illegal gambling operator na si alyas “Tisay” sa Quezon City at Lungsod ng Caloocan dahil hindi napapagitil ang kanyang ‘palaro’.
Hanggang ngayon, patuloy na namamayagpag ang bookies ng “EZ2” at bookies ng “lotteng” ni alyas Tisay sa Quezon City at Caloocan.
Pokaragat na ‘yan!
Huwag po kayong malito, ang pagiging bookies ang batayan ng pagiging iligal ng EZ2 at lotteng ni alyas Tisay.
Kung ligal ang operasyon nito, kumikita dapat ang Philippine Charity Sweepstakes Office (PCSO) mula sa nasabing mga palaro.
Kaso, hindi ligal.
Kaya, sayang ang mga palaro dahil kikita sana ang PCSO kay alyas Tisay.
Ngunit, dahil solo ng nasabing illegal gambling operator ang mga bookies niya ng EZ2 at lotteng, kumakabig ito ng nakalaking pera araw-araw.
Pokaragat na ‘yan!
Kumikilos ang QCPD na pinamumunuan ni Brigadier General Antonio Yarra laban sa iba’t ibang krimen, ngunit hindi naisasama sa operasyon ng QCPD ang mga bookies ni alyas Tisay sa Quezon City.
Dapat, walang pinipili ang QCPD kapag naglulunsad ng operasyon laban sa illegal gambling.
Hindi na nga nagagalaw ang mga iligal na mga pasugal ni alyas Tisay sa Quezon City, pati rin sa Caloocan ay hindi rin.
Pokaragat na ‘yan!
Ang mga kubrador ni Tisay ay pumapasok kahit sa mga pamayanan sa tapat at paligid ng himpilan ng Philippine National Police (PNP) ng Caloocan.
Ibig sabihin, balewala sa kanila ang PNP kahit pa ang hepe nito sa Caloocan ay si Colonel Samuel Mina.
Pokaragat na ‘yan!
Hindi ba malaking sampal ito sa tikas at husay ni Colonel Mina?
Kaya, nararapat lamang na patunayan ni Mina na maling balewalain ang PNP sa Caloocan habang siya ang hepe rito.
The post QCPD, Caloocan-PNP walang aksyon vs illegal gambling ni ‘Tisay’ appeared first on Police Files! Tonite.
Source: Police Files Tonite
Walang komento: