ILOCOS SUR – Patay ang isang seaman nang tangayin ng malakas na agos ng tubig ng sapa nang tangkain niyang iligtas ang mga alagang kambing na nalulunod sa Barangay Callitong, Burgos nitong Linggo dito sa lalawigan.
Kinilala ang biktima na si Roger Dalit Abril, 51 anyos, may asawa, residente ng naturang lugar.
Sinabi ni Police Lt. Donaldson A. Pagalanan, OIC ng Burgos MPS, 5:00 ng hapon habang malakas ang ulan lumusong sa sapa ang biktima para iligtas ang mga alaga niyang kambing na nalulunod.
Pero nang lumusong at lumangoy sa sapa ang biktima ay hindi niya nakayang kontrahin ang malakas na agos ng tubig hanggang sa anurin at mawala ito.
Bandang 9:00 ng umaga nitong Lunes nang matagpuan ng mga search and rescue team ng Burgos MPS at MDRRMC ang bangkay ng biktima sa Burgos River sa Bgy. Luna ng naturang bayan.
The post Seaman sinagip ang kambing, nalunod sa sapa appeared first on Police Files! Tonite.
Source: Police Files Tonite
Walang komento: