Ni ROMMEL GONZALES
TRENDING at inulan ng positive reaction mula sa viewers ang pilot episode ng blockbuster primetime drama na ‘The World Between Us’ nitong Lunes, July 5.
Marami ang na-inspire sa kuwento ng batang Louie, ang karakter na ginagampanan ni Asia’s Multimedia Star Alden Richards paglaki, at ang kanyang pagsusumikap na maiahon sila ng kanyang ina mula sa kahirapan.
Tutok naman ang viewers sa pagsisimula ng istorya at marami ring netizens ang nagbahagi ng kanilang reaksyon sa pilot episode sa Twitter na nag-trend ang official hashtag ng show na #TheWorldBetweenUs sa ikatlong spot.
Naka-relate rin ang ilang netizens sa kuwento ni Louie, “Nakaka inspire naman talaga mag-aral tulad ni Louie lalo na ‘pag mga parents natin ang ating inspiration. #TheWorldBetweenUs.”
Puring-puri rin ng mga manonood ang pang-world class na production at husay ng direktor ng serye na si Dominic Zapata, “Tatak at gawang Pinoy ang #TheWorldBetweenUs that we should be proud of. For its world class and outstanding cinematography, story, casting, and etc. At syempre, for the best direction of Direk Dom. Nakakabilib!”
Tutok lang sa The World Between Us, weeknights, sa GMA Telebabad.
***
Samantala, na-miss niyo ba ang ilang episodes ng ‘The World Between Us’?
Huwag mag-alala dahil mapapanood n’yo na ito nang libre online!
Parami na nang parami ang tumutumok at na-i-in love sa primetime series ng GMA na The World Between Us na pinagbibidahan nina Alden Richards, Jasmine Curtis-Smith, at Tom Rodriguez.
Mula noong mga bata pa ang mga karakter nina Alden, Jasmine, at Tom na sina Louie, Lia, at Brian, positibo ang naging reaksyon ng mga manonood lalo na’t ginampanan ito nina Izzy Canillo, Shanelle Agustin, at Will Ashley.
Nitong Biyernes ng gabi, July 9, napanood na sina Alden, Jasmine, at Tom kaya naman kung may hindi kayo napanood na episode, huwag mag-alala dahil libreng mapapanood ang full catch-up episodes ng The World Between Us online.
Pumunta lamang sa GMANetwork.com o mag-download ng GMA Network App upang mapanood ang past episodes ng The World Between Us at iba pang Kapuso shows.
***
GOOD news para sa mga naka-miss sa paboritong listahan ng bayan dahil mapapanood muli ang “Ang Pinaka” ngayong Hulyo sa GMA Network!
Reunited nga muli ang host ng award-winning at long-running infotainment program na si Rovilson Fernandez at ang viewers ng nag-iisang countdown infotainment show ng bansa. Talaga namang inaabangan kasi ang Top 10 “anything and everything under the sun” na listahan ng nasabing GMA Public Affairs show.
Kaya naman, abangan ang paboritong listahan ng bayan, “Ang Pinaka”, tuwing Sabado pagkatapos ng “I-Witness” sa GMA Network.
The post Serye nina Alden, Jasmine at Tom, trending sa viewers appeared first on Police Files! Tonite.
Source: Police Files Tonite
Walang komento: