General Nakar, Quezon – Nalaglag na sa kamay ng mga otoridad ang isang lider ng Communist Party of the Philippines – New Peoples Army (CPP-NPA) na may patong na P4.5 million sa ulo sa Barangay Lisap, Bongabong, Oriental Mindoro, Biyernes ng umaga.
Kinilala ang nadakip na si Ernesto Panganiban, 50 anyos, na nagtatago sa mga alyas na “Gavino Panganiban”, “Joker”, “Istoy”, “Nori”,at “Rato”, tubong Brgy. Milagrosa, Bulalacao, at miyembro ng Alternate Executive Committee ng Southern Tagalog- Region Philippine Communist (EXECOM,STPRC-PSR), head ng Regional Trade Union Bureau (RTUB) at ng Regional United Front Bureau (RFUB) ng CPP-NPA.
Sa ulat na ipinadala ni Quezon Provincial Police Director, Colonel Joel Villanueva, kay Calabarzon Regional Director Bridafier General Eliseo Cruz, nadakip si Panganiban ng mga pinagsanib na puwersa ng Special Project Team ng Provincial Intelligence Branch (PIT) ng Oriental Mindoro, Regional Intelligence Unit (RIU4B), PNP-IG, RID-PRO MIMAROPA, PIU OrMin PPO, RMFB 4B, 203rd Brigade, Philippine Army, NICA 4, 3012nd, AISS ng Philippine Air Force, PIU Quezon, Infanta MPS at ng General Nakar Municipal Police Station, na nagsibi ng Arrest Warrant laban kay Panganiban para sa kasong Murder mula sa sala ni Judge Agripino R. Bravo, ng RTC Branch 65 sa Infanta, Quezon.
Itinuturo din si Panganiban na utak sa pag- atake sa mga militar sa Sitio Hinango, Brgy. Purnaga, Magsaysay kungsaan may mga nasawing sundalo.
Pansamantalang nakakulong si Panganiban sa General Nakar Custudial Facility habang inihahanda sa korte ang kanyang mga kasong kakaharapin. (Jose “Koi” Laura)
The post Lider ng CPP-NPA na may patong na P4.5M timbog sa Mindoro appeared first on Police Files! Tonite.
Source: Police Files Tonite
Walang komento: