MATAPOS masagi ng isang sasakyan, nabundol pa ng isang pampasaherong jeepney ang minamanehong motorsiklo ng 32-anyos na rider sa Noveleta, Cavite, Linggo ng umaga.
Isinugod pa sa Divine Grace Hospital ang biktimang si Randolf Del Mundo subali’t idineklarang dead on arrival.
Nakilala naman ang driver ng Nissan Navara (NEA6782) na si Ramon Rabino Jr., 34; at pampasaherong jeepney (DXR128) na minamaneho ni Jerrick Cauinian, 30.
Sa ulat ni SSgt. Rodel Abutin ng Noveleta Police Station, sakay ang biktima ng kanyang motorsiklo at habang binabagtas ang kahabaan ng Manila-Cavite Road, sakop ng Brgy. San Rafael 3, Noveleta 10:30 ng umaga ng Lunes, patungo sa direksyon ng downtown proper nang masagi ng kaliwang bahagi ng Nissan Navara ni Rabino ang motorsiklo nito.
Dahil sa insidente, tumilapon ang katawan ni Del Mundo sa kabilang bahagi ng kalsada at nabangga ng isang paparating na pampasaherong jeepney na minamaneho ni Cauinian.
The post Rider 2 beses nabangga patay appeared first on Police Files! Tonite.
Source: Police Files Tonite
Walang komento: