LABIS na pinasalamatan ni Governor Jose Riano ng Romblon sina Pangulong Rodrigo Duterte at Senator Christopher “Bong” Go sa kanilang inisyatibang Malasakit Center na tunay na nagpapakita ng tunay na malasakit sa mahihirap na Filipino.
Sa kasalukuyan ay mayroon nang 146 Malasakit Center na nag-oopereyt sa iba’t ibang lokasyon sa bansa, kabilang na ang nasa Romblon.
“Salamat sa Malasakit, President Rodrigo Duterte at Senator Bong Go,” ang masayang pahayag ni Riano sa kanyang Facebook post.
“Simula nang magkaroon ng Malasakit Center sa Romblon Provincial Hospital noong July 2020 at sa Romblon District Hospital noong September 2021 ay umabot na sa 7,447 mga kababayan natin ang natulungan na katumbas ng halos P35.6 million, as of October 2021,” ani Gov. Riano.
Sinaksihan mismo ni Senator Go ang virtual launch ng ika-73rd Malasakit Center sa Romblon Provincial Hospital sa Odiongan noong July 7, 2020. Kasunod nito’y nagbukas ng extension ng Malasakit Center sa Romblon District Hospital sa capital town ng Romblon.
Binanggit ni Riano ang malaking kahalagahan ng Malasakit Centers sa ginagawang pagtulong sa mga Filipino na nangangailangan ng medikal na tulong, lalo ngayong panahon ng pandemya.
“Sa panahon ng pandemya, naging malaking tulong ang Malasakit Center lalo na sa mga indigent nating mga kababayan upang makakuha ng medical assistance sa mga babayaran sa ospital,” ani Riano.
“Sa halip na problemahin ang hospital bills ay halos libre o zero balance na lang ang natitira,” dagdag ng gubernador.
Kaya naman maraming benepisyaryo, ayon kay Riano, ay lubos ang pasasalamat sa natatanggap na tulong mula sa inisyatibang ito nina Pangulong Duterte at Sen. Go na kakandidatong pangalawang pangulo sa 2022 elections.
“Ako po’y lubos na natutuwa lalo na sa mga pasasalamat na inyong pinaparating kapag nirereport sa akin ng mga officials natin sa field na sobrang naging malaking tulong ang medical assistance na inyong natanggap,” sabi ni Riano.
Sa ngayon ay may higit nang 3 milyong pasyente ang natutulungan ng Malasakit Center buhat nang ito’y pasimulan ni Go noong 2018.
Ang pang-146 Malasakit Center ay kabubukas lang nitong October 27 sa Las Piñas General Hospital sa Satellite Trauma Center sa Las Piñas City.
The post Romblon governor nagpasalamat sa ‘tunay na malasakit’ nina PRRD, Go appeared first on Police Files! Tonite.
Source: Police Files Tonite
Walang komento: