PARA paigtingin ang kampanya laban sa gutom at kahirapan nagkasundo kamakailan ang Department of Agrarian Reform (DAR) at Negros Occidental sa paglagda sa memorandum of understanding kasama ang sa lokal na pamahalaan ng Kabankalan para sa programang Enhanced Partnership Against Hunger and Poverty (EPAHP).
Sinabi ni DAR Sec.Bernie Cruz sa ilalim ng EPAHP, tinutulungan ng ahensya ang mga miyembro ng agrarian reform beneficiaries organizations (ARBOs), partikular ang mga miyembro ng Sitio Flora Agrarian Reform Cooperative (SFARC) sa Barangay Hilamonan, upang mai-ugnay ang kanilang mga produkto sa iba’t ibang pamilihan.
“Sa kabila ng pagkasalanta ng ating mga magsasakang-benepisyaryo ng bagyong Odette at ng Covid 19 patuloy na bumabangon ang mga magsasaka habang ang ahensya naman ay humahanap ng posibleng alternatibo para mabigyan ng agarang tulong ang ating mga Agrarian Reform Benificiary Organization (ARBO)” ani Cruz.
Sa telephone interview sinabi ni Cruz na ang proyektong EPAHP ay isa sa mga programang tumutugon sa mga pangangailangan ng mga magsasakang-benepisyaryo partikular sa mga naranasan nilang mga kalamidad.
“Malaking hakbang ito upang malabanan natin ang gutom at kahirapan” dagdag pa ni Cruz.
Kaugnay nito samantala sinabi naman ni Provincial Agrarian Reform Program Officer II Arnulfo Figueroa na ang mahalagang layunin ng EPAHP ay upang mabawasan ang gutom at mapabuti ang sitwasyon sa nutrisyon ng mga target na benepisyaryo.
Nabatid pa kay Cruz na sa ilalim ng nasabing kasunduan, nagkasundo ang DAR at Kabankalan LGU na magbigay ng Php 340,000.00 halaga para sa hard at soft components ng proyekto.
Samantala nag-ambag naman si Kabankalan Municipal Mayor Pedro Zayco ng Php75,000.00 mula sa pamahalaang lungsod na ilalaan para sa mga gastusin sa paggawa. (Boy Celario)
The post DAR, Kabankalan LGU nagkasundo para labanan ang gutom at kahirapan appeared first on Police Files! Tonite.
Source: Police Files Tonite
Walang komento: