ARESTADO ang mag-iina na mga miyembro ng Manalo-Briones Criminal Group sa isinagawang search operation ng mga operatiba ng Criminal Investigation and Detection Group (CIDG) Calabarzon PRO 4A sa ilalim ng kampanyang CIDG Intensified Anti-Criminality Operations (CIACO) program sa Barangay Anastacia, ng nabanggit na bayan 6:40 ng umaga nitong Huwebes sa Tiaong, Quezon.
Kinilala ang mga nadakip na sina Ritzelda Herera, 50; John Gilbert Herera, 30; at Von Vincent Herera, 22; at large naman si Vicente Herera, 52, padre de pamilya ng mga inarestong suspek at pangunahing target ng nasabing operasyon.
Sa ulat na ipinadala ni CIDG Calabarzon Chief Colonel Marlon Santos kay CIDG Director Major General Eliseo DC. Cruz, isinilbi ng mga otoridad sa bahay ng mga suspek ang search warrant na inisyu ni Honorable Dennis Orendain, Executive Judge ng Regional Trial Court ng Fourth Judicial Region sa Lucena City.
Dagdag pa ni Colonel Santos ang mga miyembro ng Manalo- Briones Criminal Group, sangkot din sa gun for hire at gun running activities na nag-o-operate sa buong Calabarzon Region 4A.
Nakatakdang sampahan ng mga kasong paglabag sa Republic Act 10591 (Illegal Possesion of Firearms and Ammunitions) at RA 9516 (Illegal Possesion of Explosives) ang mga nakakulong na suspek sa CIDG Holding Facility.(Koi Laura)
The post Mag-iina miembro ng sindikato huli sa baril, pampasabog at bala appeared first on Police Files! Tonite.
Source: Police Files Tonite
Walang komento: