Ni ROMMEL GONZALES
NAGING uso ngayong pandemic sa ilang male celebrities at models ang napilitang “kumapit sa patalim” at nagbenta ng katawan o di kaya’y malalaswang video nila kapalit ng pera o anumang “ayuda”.
Tulad ng halos lahat, isa ang male star at Masculados member na si Orlando Sol sa mga nawalan ng hanapbuhay sa panahon ng pandemya; nawalan siya ng raket sa mga shooting ng pelikula o taping sa telebisyon.
Dalawang teleserye lamang ang nagawa niya habang may pandemya, ang Las Hermanas at Raising Mamay sa GMA.
Pero hindi raw siya umabot sa punto na “kumapit sa patalim” dahil successful ang meat business ni Orlando, may online store siya ng karne ng baka at salmon.
Pero aminado siya na hindi maiiwasan na may nag-alok sa kanya na pasukin ang ganitong kalakaran.
“Actually simula nung pumasok ako sa industry na ‘to, marami namang indecent proposal.”
Wala naman daw siyang pinatulan.
“Kasi ang aking prinsipyo naman as long na kaya ko namang magtrabaho at kumikita naman ako, hindi ko pa naman siya kailangan so nandun ako.
“Kaya ko pa naman e, bakit ko naman siya papatulan. Siguro yung mga iniisip siguro nila, mga nagmamadali or ano, e hindi naman natin masisisi, hindi ko naman alam kung ano yung mga reasons nila kasi meron namang kanya-kanyang prinsipyo.”
Para mabuhay…
“Oo di ba, para mabuhay, so hindi ko sila huhusgahan kasi meron tayong kanya-kanya na hinaharap na ano.”
Kung hindi siya pinalad na magkaroon ng negosyo at wala na siyang ibang pagkukunan ng ikabubuhay, sa palagay ba ni Orlando, para buhayin ang kanyang sarili at pamilya ay kakayanin niyang gumawa ng kalaswaan kapalit ng salapi?
“Iyon kasi yung prinsipyo ko nga, sa sarili ko, parang, iiisip ako ng iba pang paraan. Kumbaga hindi ko siya naiisip na ganun, e.
“Sabi ko sa sarili ko, ‘Kaya ko naman, e! Kailangan mo lang dumiskarte.’
“Kumbaga yung ganung diskarte parang hindi ko siya isinama sa pagpipilian ko.”
Sa pelikulang Home I Found In You ay gaganap si Orlando bilang Arnold Jimenez.
“Ako po yung tito ni Red, si Red si John Heindrick Sitjar.”
Cast members din ng Home I Found In You sina Diego Llorico (o mas kilala bilang Diego) bilang si Mama Rona; Jhassy Busran bilang si Selene dela Cruz; Harvey Almoneda bilang Aldrin Padua; Soliman Cruz bilang Mario dela Cruz; at Eunice Lagusad bilang Judy-ann Pineda.
Ang Home I Found In You ay sa direksyon ni Gabby Ramos at mula sa produksyon ng REMS Films (represented by AJ Ungson at Marlon Climaco) at malapit nang mapanood sa mga sinehan.
***
INILAHAD na ni Mikee Quintos na isang taon na silang magkarelasyon ni Paul Salas, na kanilang ipinagdiwang sa kanilang recent trip sa Boracay.
Sa Boracay din sinorpresa ni Paul si Mikee, kasama ang isang proposal para maging date ng binata sa GMA Thanksgiving Gala sa Hulyo 30.
Kamuntik pang magulo ang outdoor proposal ni Paul dahil bumuhos ang ulan.
Pero tiyempo namang naging maaliwalas ang kalangitan at lumabas ang buwan sa date nila ni Mikee.
“Puwede ba kitang maging GMA Gala date?” tanong ni Paul sa dalaga, na sinagot naman ni Mikee ng isang matamis na “Yes!”
Gayunman, muntik pang mabuking ni Mikee ang surprise para sa kaniya ni Paul.
“Huli ka boy! Sabi ko ‘Saan ka pupunta?’ Sabi niya banyo raw, eh doon ‘yon papunta sa other side. Sabi ko ‘Ito ‘yung banyo oh.’ Wala siyang masagot. Medyo doon nahalata ko siya na may pasabog pa.
“Biglang next thing I know, naghanap siya ng way para ma-suprise pa rin ako,” kuwento ni Mikee.
Ayon kay Mikee, na-develop sila ni Paul habang magkasama sa “All-Out Sundays.”
Pinakanagustuhan daw ni Mikee sa binata ang pagiging simple, sweet at trustworthy.
Dati nang inihayag ni Paul na gusto niyang si Mikee na ang kanyang maging “last.”
Paul Salas, gustong ‘last’ na si Mikee Quintos
Inihayag ni Paul Salas ang pagiging seryoso niya kay Mikee Quintos.
Samantala ngayong Martes sa #ApoySaLangit, magliliyab na ang katotohanan! Sama-sama nating abangan ang mga maiinit na eksenang pinakahinihintay ninyo! Abangan sina Mikee, Zoren Legaspi, Lianne Valentin, at Maricel Laxa live sa Kapuso Stream ng 2PM sa Facebook at Youtube. Makiki-react at makipagkuwentuhan sila kasama kayo, Kapuso!
Ito na ang linggong hindi n’yo dapat palampasin! Matutuklasan na ang kasinungalingan nina Cesar at Stella!
‘Wag palampasin ang nakapapasong kaganapan sa #ApoySaLangit, 2:30 PM sa GMA Afternoon Prime!
The post Paul type nang maging last love si Mikee appeared first on Police Files! Tonite.
Source: Police Files Tonite
Walang komento: