Tulay sa Cavite gumuho, 1 patay, 7 missing

Isa ang patay habang pito ang nawawala nang gumuho ang isang suspended steel bridge sa Dasmariñas City, Cavite, nitong Martes ng gabi.

Sinabi ni Dasmariñas City Administrator Ariel San Gabriel na nangyari ang insidente 8:00 ng gabi ng Martes at ini-report sa mga awtoridad 9:30 ng gabi.

Batay sa inisyal na impormasyon, nasa 13 katao, karamihan mga kabataan, ang nasa tulay nang gumuho ito. Lima ang nakaligtas sa insidente.

Nagpapatuloy ang paghahanap sa pitong nawawalang tao nitong Miyerkoles ng umaga.

Kinordenan na ang lugar na matatagpuan sa Barangay Sampaloc.

The post Tulay sa Cavite gumuho, 1 patay, 7 missing appeared first on Police Files! Tonite.

Source: Police Files Tonite