Ni ARCHIE LIAO
DALAWANG award- winning at internationally acclaimed films ang tampok sa ika-18 edisyon ng Cinemalaya ngayong taon.
Ang pelikulang Leonor Will Never Die (Ang Pagbabalik ng Kwago) ay magiging opening film ng pinakaaabangan na Pinoy independent film festival ngayong taon na mapapanood sa Agosto 5, 6 pm, sa Cultural Center of the Philippines (CCP) Main Theater.
Idinirehe ni Martika Ramirez Escobar, ang Leonor Will Never Die ay kuwento ng isang dating successful filmmaker na sa kagustuhang makabalik sa paggawa ng pelikula ay matra-transport sa isang mundo ng kababalaghan na magiging reyalidad ang mga pinangarap niya sa pinilakang tabing.
Tampok dito sina Sheila Francisco sa title role, kasama sina Bong Cabera, Rocky Salumbides, at Anthony Falcon.
Ang pelikula ay nagwagi ng Special Jury Prize for Innovative Spirit sa ginanap na 2022 Sundance Film Festival.
Ang award-winning documentary feature namang “Delikado”ay magkakaroon din ng Philippine premiere sa (CCP) Main Theater (Tanghalang Nicanor Abelardo) sa Agosto 13, 3:30 p.m.
Ito ay isa sa mga closing films ng 18th Cinemalaya Independent Film Festival.
Ang “Delikado,” ay tumatalakay sa kuwento ng environmental crusaders na isinusugal ang kanilang buhay para mapangalagaan ang likas na yaman at mga kagubatan ng Palawan.
Ang 96-minute enviro-thriller docu na idinirehe ng journalist na si Karl Malakunas ay papaksa rin sa pakikibaka ng ating mga environmentalist sa
mga land developer, politicians, illegal loggers sa kanilang misyong maipreserba ang ating kalikasan.
Ang docu ay mula sa tunay na mga karanasan nina Robert “Bobby” Chan, isang abogado at executive director ng Palawan NGO Network Inc. (PNNI), dating El Nido Mayor Nieves Rosento at land defender Efren “Tata” Balladares.
The post 2 award-winning films, unang mapapanood sa Cinemalaya 2022 appeared first on Police Files! Tonite.
Source: Police Files Tonite
Walang komento: