Vince Tanada waging Best Actor at Director sa FAMAS Awards; Katips: The Movie, Best Picture kaya mas may ‘K’ panuorin

Ni BLESSIE K. CIRERA

CONFIRMED! Napatunayang maganda at makatuturan ang pelikulang Katips: The Movie lalo pa’t nagwagi ito sa katatapos lang na 70th FAMAS Awards ng 7 tropeyo kabilang na ang Best Picture, Best Actor at Best Director para kay Direk Vince Tanada.
Walang duda na maiibigan ng mga manunood ang Katips:The Movie na ipalalabas na sa mga sinehan sa Aug. 3.
Pinatunayan lang ni Vince na kapupulutan ng kaalaman ang kanilang pelikula na pinagbuhusan ng pawis at pagod para mabuo at maipresenta sa madla ang mga tunay na pangyayari nung panahon ng Martial Law.
Hindi rin nagpatinag si Vince sa pagtapat sa pelikulang Maid in Malacanang ng Viva na dinirek ni Darryl Yap.
Para kay Vince, mas makatotohanan daw ang Katips kaysa MIM kaya ito ang mas dapat panuorin ng tao.
“Nilabanan ko talaga ang Maid in Malacanang. China-challenge tayo ng MIM kaya nagreak si Direk Joel Lamangan.
“Sabi ni Direk Joel gagawa siya ng pelikula, eh ito nagawa na namin. This is about the truth and nobody can ever invalidate ng personal experience as a victim of Martial Law,” sey ni Direk Vince.
Alam ni Vince ang sinasabi at ginagawa niya dahil tatlong dekada na siyang nagsusulat at nagdidirek sa teatro.
Sa pananalo ng Katips sa Famas, mas napatunayan lang daw na mas may K tangkilikin ang kanilang pelikula lalo pa at isa itong musical.
Ang Katips ay pinangungunahan ni Vince kasama sina Jerome Ponce, Mon Confiado, Johnrey Rivas, Nicole Laurel Asensio, Adelle Ibarrientos, Sachzna Laparan, Joshua Bulot, Carla Lim at iba pa. Mula sa panulat, produksyon sa pamamagitan ng Philstagers at direksyon ni Vince Tanada. Showing na ito sa August 3.
Samantala, maliban sa best picture, best director at best actor, nanalo rin ang Katips sa FAMAS Awards sa mga kategoryang best supporting actor, best cinematography, best musical score, at best original song.

The post Vince Tanada waging Best Actor at Director sa FAMAS Awards; Katips: The Movie, Best Picture kaya mas may ‘K’ panuorin appeared first on Police Files! Tonite.

Source: Police Files Tonite