Ni ROMMEL GONZALES
INAMIN ni Lianne Valentin kung ano ang isang eksenang kanilang pinaghandaan at pinaghirapan sa Apoy Sa Langit.
Sa Instagram post ni Lianne, ibinahagi niya kung bakit dapat tutukan ang eksena na inamin ni Stella kay Cesar (Zoren Legaspi) ang nagawa niya sa baby nila ni Gemma (Maricel Laxa).
Kuwento ng aktres sa kanyang post, “Today is an episode that you shouldn’t miss. We worked hard and gave our 200% percent effort on this.”
Ayon pa kay Lianne, puno ng emosyon ang eksenang ito sa Apoy sa Langit.
“One of the hardest scenes that we did. A scene that required a lot of physical strength but was mostly, full of complex emotions.”
Isinulat din ni Lianne kung paano nila pinaghandaan ang eksena nila ni Zoren para sa episode na ito.
”Storytime: Kuya Zo (@zoren_legaspi) and I prepared and rehearsed this scene for 1 week. Very challenging and intense but it was all worth it. It truly made me love my craft more.”
Samantala, tutukan ang mga susunod na magaganap sa Apoy sa Langit, Lunes hanggang Sabado, 2:30 p.m. pagkatapos ng Eat Bulaga.
***
LUMIPAD patungong South Korea ang Kapuso actress na si Bianca Umali upang bisitahin si Lolong actor Ruru Madrid na abala ngayon para sa taping ng Running Man Philippines.
Sa isang Instagram post, hindi man direktang sinabi ni Bianca na magkasama na sila ni Ruru, nag-upload naman siya ng larawan habang sila ay magka-holding hands ng aktor. Makikita pa sa kanilang mga kamay ang cute matching tattoo na smiley.
“Saranghaeyo… :),” simpleng caption ng aktres sa kanyang post na ibig sabihin ay, “I love you.”
Marami naman sa kanilang mga kaibigan ang kinilig sa post na ito ni Bianca. Sa comment section ng kanyang post, nag-iwan ng reaksyon sina Kapuso actress Kyline Alcantara, former First Lady actress Sanya Lopez, Megan Young, at kapatid ni Ruru na si Athena Madrid.
Matatandaan na hindi nagkasama sina Bianca at Ruru sa nagdaang GMA Thanksgiving Gala kamakailan at ang pagtungo ni Bianca sa Korea ay ang kanilang much-awaited reunion.
***
MADALAS na napapanood ang isa pang Sparkle artist na si Larkin Castor sa All-out Sundays dahil mas nalilinya sa pagkanta ang guwapong binata.
Medyo kakaiba ang first name ni Larkin kaya tinanong namin ang binata kung saan ito kinuha.
“Nagpakuwento po ako kay daddy sabi niya nag-search lang siya sa Google [ng] unique names, Larkin ang lumabas.
“Unique name for babies” daw ang ginoogle search ng kanyang ama.
May lahing Espanyol si Larkin hence his last name na Castor.
Sa mga Sparkada artists, mas nakatuon ang pansin ni Larkin sa pagkanta.
Mas gusto ba niyang maging singer kaysa maging artista?
“Sa ngayon po hindi ko pa masabi kasi hindi ko pa po nae-experience yung acting talaga na show, yung ganun, so for now po gusto ko muna siyang ma-discover.”
Wala pang nagagawang serye o kahit na anong acting experience si Larkin sa GMA.
Kung mabibigyan na siya ng acting project, sino ang gusto ni Larkin na unang makapareha na leading lady?
“Si Bea Alonzo po! Nung nakita ko siya sobrang na-starstruck ako so ayun po.
“Sa tingin ko po sa ngayon siya po yung pinakamaganda sa GMA.”
Matagal na raw may kumukumbinsi kay Larkin na mag-artista pero late last year lamang siya napapayag na subukan ang showbiz.
“Kasi sayang naman yung opportunity tapos wala rin naman akong ginagawa at that moment so sabi ko sige kukunin ko na yung chance kasi hindi ko naman alam kung saan ako dadalhin [ng chance] na yun.
“And right now I’m happy where I am.”
Kaya wala siyang kahit na anong showbiz exposure bago kunin ng Sparkle/GMA para maging Sparkada artist.
Pero kahit sa pagkanta (muna) nalilinya si Larkin, ang idolo niya ay si Alden Richards.
Anong aspeto ng pagkatao ni Alden ang gusto niya kaya idolo niya ang Pambansang Bae?
“Yung dating po niya, kung paano niya dalhin yung sarili niya, tuwing meron siyang trabaho, binibigay niya lang, parang natural lang sa kanya yung ginagawa niya, parang gustung-gusto niya.
“Gusto ko rin po ma-reach yung ganung point sa career ko na nandun na ako, na ginagawa ko lang kung saan ako masaya.”
The post Bianca lumipad pa-Korea para bisitahin ang syotang si Ruru appeared first on Police Files! Tonite.
Source: Police Files Tonite
Walang komento: