Ni ROMMEL PLACENTE
MULA sa Houston, Texas USA, ay lilipad papuntang Singapore si Kris Aquino para roon ituloy ang kanyang pagpapagamot.
ito ang kwento nina Nanay Cristy Fermin, Romel Chika at Morly Alinio sa kanilang YouTube channel na Showbiz Now Na, na in-upload noong Linggo.
Sabi ni tita Crsity,”Mayroon na namang bagong nagpadala sa atin ng impormante o impormasyon,”
Bago itinuloy ni tita Cristy ang kanyang sasabihin, ay biglangsumingit si Morly. Sabi niya, gusto nilang pasalamatan ang mga taong nagtitiwala sa kanila dahil sa kanila ibinibigay ang mga impormasyon na para lang sa Showbiz Now Na.
Dagdag ni Tita Cristy, “Yung effort po na ipinadadala ninyo sa amin, ‘yung pagtitiwala na ibinibigay ninyo sa amin sobra pa po sa sapat ‘yun maraming salamat po, mga kababayan natin,”
So, ang source pala nina Tita Cristy ay ‘yung mga kapwa-Piipino natin na nasa America.
Hirit din ni Romel na lahat ng nakararating sa kanilang impormasyon ay ibinabahagi rin nila sa kanilang subscribers para alam din ng mga ito.
“Si Kris Aquino raw po nu’ng dumating sa Houston ay diretso raw po sa Baylor St. Lukes Medical Hospital (Houston, Texas).
“At ‘yung inilabas daw po naming address doon sa botelya nga ng gamot para sa COVID ni Josh, totoo po ‘yun. Napakalalaki raw po ng mga mansyon sa hilera na ‘yun. Kung baka dito, millionaires row.”
“Pero ate Cristy ‘yung nagkuwento niyan, iba rin sa nagkuwento sa akin kasi ang dami po talagang nagpapahatid na sources, iba-iba po ‘yung mga ikinukuwento nila. Imagine ate Cristy may panahon sila para sa atin,” singit ulit ni Morly.
Pagpapatuloy pa ni tita Cristy, nagkalat daw talaga ang ‘Marites’ sa buong mundo at sa kanilang online show lang daw ipinadadala.
“At ito po sa kabila ng balita na lilipat na raw po ng Singapore sa kanyang pagpapagamot si Kris Aquino, ‘yun ang pinakabago.,” sey pa ni tita Cristy
Kung lilipad patungong Singapore si Kris, ibig bang sabihin ay hindi siya napapagaling sa pagpapagamot niya sa Houston, Texas, at kailangan pa niyang magpagamot ulit sa ibang bansa?
Dalangin namin na gumaling na si Kris. Kaya sana ay ipagdasal natin siya. Sabi nga kapag maraming nagdarasal sa isang tao, ay gagaling siya, ‘di ba?
***
7TH INDING-INDIE FILM FESTIVAL INULUNSAD NA
INILUNSAD ang 7th inding-Indie Film Festival (special edition) ngayong taon sa ginanap na press conference sa Red Hotel sa Cubao, Quezon City nitong Linggo (July 31, 2022), na naipakilala ang mga baguhang artista ng Inding Indie management sa ilalim ng talent manager and director na si Ryan Manuel Favis. Kabilang sa mga artists na ito ay sina, Mj JCardenas, Gian Maamo, Rex Gwangcha, Krysia Barela, Renzie Liboon, KYLE Maamo, Romenissa Pardilla, Kim EJ Maamo, Antonette Leviste, Michael Justine, Azaleia Viernes, Ron Medina, Jan Austin Gui, Jan Albert Gui, Gian Maamo, Paulo Ronquilo at iba pa.
Tampok din sa mga sumusuportang celebrity dito ay ang veteran actors na sina Pilar Pilapil, Lou Veloso, Archie Adamos, Jiro Manio, na nakasama at nai-direk ni Favis at Ron Sapinoso founder sa pelikulang “Moonlight Flowers” at ang huli nitong taon lang ay si Keanna Reeves sa pelikulang Elijah na pinagbidahan ni Rex Gwangcha.
Ang mga istorya na nakapaloob sa bawat pelikula ay may temang biblical, buhay ng tao, pilosopikal at kultura na may sining. Sumasalamin sa kasaysayan ng bayan at importanteng kaganapan sa lipunan. Ginawa ni Direk Favis ang proyekto na ito upang matulungan ang mga aspiring artist na walang kapasidad na lumabas sa mainstream media. Ito ang kanilang stepping stone para maging maayos ang kanilang pagtahak sa karerang pangarap nila.
Gaganapin ang showing sa Gateway Cineplex on August 22, 2022 at SM Cinema Bacoor sa September 26, 2022 at Metropolitan Theater on August 30, 2022.
Magkakaroon din ng mall tour ang nasabing artists kabilang ang SM, Robinson, Araneta Farmers Plaza at Isettan Recto.
The post Kris di gumaling sa Tate kaya lipat sa Singapore appeared first on Police Files! Tonite.
Source: Police Files Tonite
Walang komento: