Ni ARCHIE LIAO
MASAYA ang naging tsikahan nina Ogie Diaz at Jeric Raval sa vlog ng talent manager turned vlogger.
Sa naturang vlog, inamin niya ang pagkakaroon ng labingwalong anak mula sa iba’t ibang babae.
Nagpapasalamat nga raw siya na ang mga ina ng kanyang mga anak ay naging maunawain sa kanya.
Sa kabila raw ng pagkakaroon ng ganoong karaming anak, naitawid daw naman niya ang mga ito kahit dumating pa siya sa punto noong walang-wala siya dahil nademanda siya ng breach of contract sa isang dating film outfit kaya na-freeze ang kanyang mga proyekto.
Tungkol naman kay AJ, hindi raw talaga siya sa boto sa pagpapa-sexy nito dahil isipin pa lang daw niya na maghubad ito ay naaalibadbaran na siya.
Sa kaso kasi niya, ni hindi siya nagpasilip ng puwet o kaya ay nagkaroon ng torrid kissing o sex scenes sa kanyang mga pelikula.
Gayunpaman, bilang magulang, wala raw siyang ibang magagawa kundi suportahan ang hilig ng anak kung ito ang gusto ni AJ.
Nag-react din siya nang makarating sa kanya ang tsismis na buntis umano ito.
“That very moment, nun’g dumating sa akin ‘yung balita na ‘yun, tinawagan ko siya,” ani Jeric. “So, I made a phone call, sabi ko ‘bats (palayaw ni AJ), sa’n ka? Ano ‘tong issue na ‘to?,’”dugtong niya.
Sey daw naman ni AJ, nagsawa na raw siya sa kadedepensa sa sarili sa isyung ibinabato sa kanya.
Nang tinanong naman ni Mama Oggs si Jeric tungkol sa tunay na estado ng anak once and for all, mabilis namang pinabulaanan ng dating action star na buntis ito.
“Hindi. Eh ba’t siya nagsu-shooting kagabi, di ba? Although I haven’t seen her 2 weeks na siguro, 3 weeks.Saka kung buntis, o ‘di mabuti, at least hindi pala siya baog,” hirit ni Jeric.
Nilinaw din niya ang isyung may anak sa pagkadalaga si AJ na hindi raw totoo.
Madalas daw kasing kasama nito ay ang kanyang mga pamangkin kaya raw siguro napagkamalang meron na itong anak.
The post May 18 anak sa iba-ibang bebot…Jeric nilinaw, ‘di buntis ang anak na si AJ appeared first on Police Files! Tonite.
Source: Police Files Tonite
Walang komento: