DALAWA ang nasawi at isa ang sugatan sa salpukan ng dalawang motorsiklo, habang isa sa mga biktima ang nasagasaan ng trailer truck sa Barangay Baliw, San Juan, Ilocos Sur.
Kinilala ang isa sa mga namatay na si Mirasol Pando, 40 anyos, TSPI manager, residente ng Quimmarayan, Sto. Domingo; at sugatan ang backrider ng XRM motorcycle na minaneho ni Joshua Purificacion, TSPI collector at residente ng Naguilian, Caaoayan.
Dead on arrival din sa pagamutan si Efren Ventura, 56, construction worker, ng Resureccion, San Juan, na nagmaneho ng motorsiklo.
Kinilala naman drayber ng Isuzu trailer truck na si Franklin Lewin Pascual, 35, ng Barangay Bugas, Banna, Ilocos Norte, kasama ang helper nito na si Ronaldo Jacinto, 43, ng Puttao, Solsona.
Ayon kay Police Major Christopher Ramat, parehong tinatahak ng motorsiklo at trailer truck ang isang direksyon nang tinangka umano ng motorsiklo na mag-overtake sa sinusundan nitong trailer truck.
Habang nag-overtake ang motorsiklo, bumangga ito sa nakasalubong na isa pang motorsiklo.
Dahil sa lakas ng impact ng pagkabangga, tumilapon ang backrider sa linya ng trailer truck at nasagasaan ito.
Nasa maayos naman na kalagayan ang drayber ng isang motorsiklo na nagtamo rin ng mga sugat, habang ang drayber ng trailer truck ay nasa kustodiya na ng San Juan Police Station.
The post 2 nasawi, 1 sugatan sa salpukan ng 2 motorsiklo at trailer truck appeared first on Police Files! Tonite.
Source: Police Files Tonite
Walang komento: