Basket ng Hapon mas malaki!

Ilang obserbasyon sa Eurobasket 2022.

Balcerowski, Sokolowski at Syskowski ay tatlo sa mga manlalaro ng Poland. May Polish- American din sa line-up na si AJ Slaughter. Si Robert Jaworski natin ang ama ay kapareho ni Slaughter kaya pwede rin maglaro sa Polska, ang nakasaad na team name nila.

Sponsor ng Slovenia ang Spar, ang Dutch company sa likod ng mga tindahan na nakakalat sa buongEuropa. Kabilang ang dalawang NBA player na si Luka Doncic at Grogan Dragic sa kanilang kooonan.

Kasali rin dalawang MVP sa propesyunal na liga na base sa USA. Sila sina Nikola Jokic ng Serbia at Giannis Antekounmpo ng Greece.

***

Si Chris Cantonjos na tanging miyembro ng lahat ng champion squad ng UST Growling Tigers mula 1993 hanggang 1996 ay tubong Donsol, Sorsogon.

Batang gym lang siya dahil promdi nga at doon din siya naka-quarters. Sa Letran noong high school at USTe noong kolehiyo.

Nagkataon na kapwa mga eskwelahan ng mga Dominico.

Nang nasa Muralla, Intramuros pa lang siya hindi nga raw niya alam na mayroogn Pontifical University sa España Blvd.

Si Cantonjos ay coach ngayon ng isang aviation school at may dalawang supling sila ng kanyang misis.

Yung anak nilang lalake ay tatlong taon gulang pa lang kaya hindi pa natin masabi kung magiging player din balang araw.

***

Nagtungo ang mga matataas ng pinuno ng PBA sa Tokyo upang makipag-usap sa mga opisyal ng Japan B-League.

Humihingi ng kooperasyon ang mga Pinoy sa mga Hapon. Talo kasi ang PBA sa recruitment ng mga basketbolista. 3x kasi ang taas ng sahod kaysa atin.

Pati nga naman Gilas Pilipinas ng SBP ay apektado.

Ayon sa mga cager ay karapatan nila pumirma kung saan sila masaya. Oo dito o saan man sa mundo.

Eka naman ni Tata Selo ay kailangan mabalanse rin ang mga isyu. Yung karapatan ng bawa”t nilalang at ang katungkulan sa bayan.

Yan ang hamon para sa lahat ng mga panig.

The post Basket ng Hapon mas malaki! appeared first on Police Files! Tonite.

Source: Police Files Tonite