NAKATAKDA nang gawin ng KSMBPI (Kapisanan Ng Mga Social Media Broadcasters Sa Pilipinas) Film Division ang movie na gagawin ng mga housemates sa reality show na SocMed House: Bahay Ni Direk Miah.
Napapanuod ngayon ang reality show sa Facebook page ng KSMBPI at KRTV YouTube channel nanmay 10 housemates na titira sa Bahay ni Direk Miah (Jeremiah Palma, the director) kada linggo sa loob ng isang buwan kaya 40 talents sila lahat.
Sumailalim ang mga housemate sa mga training, workshops at pagsubok para mahasa ang husay nila sa pag-arte.
Masuwerte ang mga housemate dahil ipagpoprodyus sila ng pelikula ng KSMBPI Film Division na ididirek ni Direk Jeremiah na nagwagi kamakailan ng dalawang international awards para sa short film na Umbra.
“Silang 40 housemates ay kasama sa movie. Ang mga roles nila ay base sa kanilang magiging ranking sa show which will be based via online voting. ‘Yung pinakamataas na score ang magiging bida,” pahayag ni Dr. Michael Aragon, founding Chairman ng KSMBPI.
Isang horror film ito na ang titulo ay “Ang Seksing Multo sa SocMed House.” Bukod sa 40 housemates ay may mga kasama ring kilalang artista na inaalam pa kung sino-sino.
Kasabay nito, tiniyak ni Dr. Michael na de-kalidad ang movie at maipagmamalaki hindi lang sa bansa kungdi maging sa international market.
“We would like to let the world know that Filipino filmmakers are way, way capable and can deliver. Pinag-aralan talaga namin ito nang husto and every now and then ay may changes kaming ginagawa sa pelikula para mas mapaganda,” dagdag ng nasabing doktor.
The post KSMBPI kasado na ang pelikula sa 40 Housemates appeared first on Police Files! Tonite.
Source: Police Files Tonite
Walang komento: