Ogie nagreak nang i-bash sa pagpuna sa prod number ni Toni sa ALLTV

Ni ROMMEL PLACENTE

OBVIOUS na si Zephanie Dimaran an ang pinaringgan ni Vice Ganda.
Nag-guest kasi ang komedyante sa Grand Finals ng Idol Philippines Season 2 noong Linggo para sa promo ng pagbabalik ng dati niyang game show sa ABS-CBN na Everybody Sing.
After ng kanyang dance number, ininterview siya ng host ng show na si Robi Domingo. Hiningan siya ng mensahe para sa bagong tatanghaling Grand Idol Winner. Ang sabi ni Vice,”Sana maraming magbukas na opportunity sa ‘yo. Sana mag-stay ka muna sa network na ‘to.”
Pagkasabi nu’n ay tumawa si Vice. At si Robi at ang mga hurado sa Idol Philippines na sina Gary Valenciano, Moira, Chito Miranda at Regine Velasquez-Alcasid ay natawa rin. Aware siguro sila na may pinariringgan si Vice, at ito nga ay si Zephanie.
Si Zephanie kasi ang kauna-unahang tinanghal na Grand Idol Winner sa Idol Philippines Season 1 noong 2019. Bahagi ng napanalunan niya ay ang pagiging recording artist ng Star Music. Pero ayun at lumipat siya sa GMA 7, at bahagi na siya ngayon ng All Out Sundays.
***
NAGBIGAY ng pagpuna si Ogie Diaz na constructive criticism naman sa kinalabasan ng song and dance number ni Toni Gonzaga sa pagbubukas ng ALLTV. Dahil dito ay binash siya.
Pero sinagot ni Ogie ang kanyang bashers sa pamamagitan ng vlog nila ni Mama Loi na Showbiz Updates.
“O, bakit ako iba-bash? Pangit ba ‘yung sinabi ko?” simula ni Ogie.
“Constructive criticism po ‘yung akin. Si Toni ay kilala ring singer. Big deal sa mga singers ang sound system. Ang kanilang reinforcement, sa sound system. Gusto nila maganda ‘yung tunog,” dagdag pa niya
Baling ni Ogie kay Mama Loi,”‘Pero Loi, siyempre naiintindihan naman natin ‘yan e. Nag-uumpisa pa lang naman ‘yung show. Kaya siyempre sa mga susunod, mag-eexpect tayo ng mas magandang sound system para maganda ‘yung audio ni Toni.”
Nabanggit din ni Ogie na walang masamang tinapay sa kanila ni Toni lalo na at kumare pala niya ito.
“Magkumare po kami ni Toni. Inaanak po ni Toni ‘yung ikatlo kong anak. ‘Pag nagkikita kami ni Toni para lang kaming mga sira ulo. Chikahan kami nang bongga. Saka jusko, ano ba hindi naman masama ‘yung sinabi ko. I’m sure laman ‘yan ng kanilang meeting.”
Aniya pa, nagsisimula pa lamang ang pagsasa-ere ng mga programa sa AMBS2 kaya naman nangyayari ang mga ganoong bagay.
“Syempre, there’s always room for improvement.”

The post Ogie nagreak nang i-bash sa pagpuna sa prod number ni Toni sa ALLTV appeared first on Police Files! Tonite.

Source: Police Files Tonite