Ni GERRY OCAMPO
MAY mga hindi magandang comment agad nang mabalitang pagtatambalan nina Joshua Garcia at Gabbi Garcia sa isang series collaboration project ng ABS-CBN at GMA Network. Comment ng Kapamilya fan na si Joshua raw tiyak ang magdadala ng series kaya kawawa raw ito.
Kapag nag-rate raw ang series ay parehong mapupuri sina Joshua at Gabbi, pero pag hindi naging maganda ang rating ay si Joshua ang masisisi. Maging sa acting ng dalawa ay mas lamang daw si Joshua at may nagdududa kung makakasabay raw ba si Gabbi?
Natural na magre-react ang fans ni Gabbi at ipagtatanggol na marunong umarte ang actress. Susuportahan nila si Gabbi at sana raw ay wala munang magne-nega sa pagtatambal ng dalawa dahil hindi pa nagsisimula ang project.
Pero mas marami ang masaya at excited sa colaboration project ng Kapamilya at Kapuso network dahil mawawala ang network war. Masaya rin ang viewers na mapapanood sina Gabbi at Joshua sa dalawang sikat na TV network.
Marami rin ang natuwa na parehong Garcia ang apelyido ng dalawa at baka raw magkapatid ang kanilang magiging role sa nasabing series. May nag-suggest tuloy na si Cathy Garcia ang kuning director ng series para Team Garcia ang bubuo ng colaboration TV series project ng ABS CBN at GMA 7.
Anyway, alam ng lahat na may boyfriend na si Gabbi at si Joshua ay loveless. Pero nandoon pa rin ang pag-aalala ng marami na baka raw mahulog ang loob ng isa`t isa oras na magsimula na sila sa naturang series.
***
Jinkee pinagmalaki ang master`s degree ni Manny
Isang master`s degree holder na ang Pambansang Kamao at former Senator Manny Pacquiao. Nagtapos siya ng kanyang master`s sa Philippine Christian University (PCU) kung saan siya kumuha ng Master in Management, Major in Public Administration.
August 27, isa si Manny sa mga nagmartsa sa 79th Commencement Exercises ng PUC na ginanap sa Philippine International Convention Center kasama ang kanyang maybahay na si Jinkee Pacquiao.
“Former Senator Emmanuel “Manny” Pacquiao (5th from left) poses with fellow members of Batch 2022, Pacquiao together with about 30 Senate employees, received their Master`s degree in Management, Major in Public Administration,” tweet ng Senate of the Philippines.
Pinost ni Jinkee ang larawan nila ni Manny na suot ang toga at graduation cap.
Matatandaang last December 2019, nagtapos si Manny ng kursong Political Science, Major in Local Government Administration sa University of Makati.
Pero ang pagtatapos niya sa nasabing university ay kaagad nahaluan ng intriga na pinaratangan umano siyang binayaran lang ang kursong tinapos.
***
Sandara tinamaan din ng Covid
Nag-alala ang fans ni Sandara Park nang malaman na tinamaan din ng Covid-19 ang paborito nilang K-Pop idol. Pero kaagad naman ipinarating ni Sandara sa kanyang fans na okey na siya at nagpapagaling na siya sa mapaganib na virus.
“I was resting quietly while recovering, but the article went out. I`m so worry that all of this week`s schedule has been delayed. Don`t worry, I was a little sick on the first day with body aches & chills. I have to take medicine, so I have to eat all three meals a day, so I eat better than usual,” simula ni Sandara.
“My friend told me that I had to eat well, so I told my mom that it was good for immunity, so I made a variety of miso soup with bean sprouts and side dishes I liked and sent them to me,” patuloy ni Sandara.
Ang maganda ay masipag pa rin mag-comment ang Filipino fans ni Sandara at kasama sila sa mga nagwi-wish ng mabilis niyang paggaling.
Mabuti na lang hindi sa Pinas nahawa si Sandara ng Covid-19 dahil kung nagkataon ay maba-bad press na naman ang bansa natin sa fans ni Sandara sa South Korea.
The post Tambalang Joshua at Gabbi inulan ng nega appeared first on Police Files! Tonite.
Source: Police Files Tonite
Walang komento: