KANSELADO ang lahat ng ‘leave’ ng mga pulis mula December 15, 2022 hanggang January 10, 2023.
Ito ang inanunsyo ni Philippine National Police (PNP) Spokesperson, Colonel Jean Fajardo, para sa nalalapit na holiday season.
Ayon kay Fajardo, alinsunod ito sa kautusan ni PNP Chief, General Rodolfo Azurin Jr., upang masiguro ang maximum deployment ng mga pulis para sa seguridad ngayong Pasko.
Maging ang mga pulis na naka-assign sa administrative duty ay required sa pagsasagawa ng patrol duty para paigtingin ang police visibility.
Paliwanag nito, sa ganitong panahon tumataas ang krimen lalo na ang pagnanakaw dahil sinasamantala ng mga kriminal ang pagsa-shopping ng mga tao habang nalalapit ang Pasko.
The post Mga pulis bawal mag-leave mula Disyembre 15 hanggang Enero 10, 2023 appeared first on Police Files! Tonite.
Source: Police Files Tonite
Walang komento: