NASAWI ang dalawang piloto ng Philippine Airforce nang bumagsak ang sinasakyang eroplano sa Sitio Tabon, Barangay Del Rosario Pilar, Bataan nitong Miyerkoles ng umaga.
Sa inisyal na report ng Pilar Police Station kay Philippine National Police (PNP) Regional Director, Brigadier General Cesar Pasiwen, kinilala ang mga nasawi sa trahedya na sina Captain Ian Gerru C. Paulo at John Paulo O. Aviso.
Sa ulat ng pulisya, 10:40 ng umaga bumagsak ang SF 260 na may body number 29 sa palayan ng Sitio Tabon.
Sa isinagawang rescue operation ng mga otoridad, ang dalawang piloto ay natagpuan sa loob ng bumagsak na training jet.
Ayon sa ilang magsasaka na nakasaksi sa pangyayari, nagpaikot-ikot muna ang eroplano bago tuluyang bumagsak sa taniman ng palay sa nabangit na Sitio.
Kinumpirma ni PAF spokesperson, Colonel Ma Consuelo Castillo, ang pagbagsak ng SF260 habang nagsasagawa ito ng training.
“Unfortunately, one of our SF260 aircraft crash landed in Bataan just this late morning. We confirm that it is one of our air force aircraft. Unfortunately we cannot give details more than that, investigation ongoing,” ani ni Castillo.
Sinabi ni Castilo na ang nasabing eroplano ay nag-take off sa Sangley point Cavite 9:59 ng umaga para sa kanilang training nang mawala ang kontak sa piloto makalipas ng 30 minuto.
“They are actually in Bataan during the time of the mishap. We lost track of them because we have been tracking our military aircraft through spyder track and we lost track of them around 10:34 today, their estimated take off from sangley was around 9:59 am, and so 30 minutes, more than 30 minutes in their flight we lost”, ani Castilo.
Tulong-tulong ang mga pulis at sundalo sa pag-aangat ng mga labi ng biktima mula sa nawasak na eroplano.
Pansamantala grounded ang lahat ng SF260 ng PAF habang nagsasagawa ng imbestigasyon upang matukoy ang sanhi ng pagbagsak nito. (Thony D. Arcenal/Mark Obleada)
The post 2 piloto patay sa bumagsak na eroplano ng PAF appeared first on Police Files! Tonite.
Source: Police Files Tonite
Walang komento: