NAGBUNGA ang matagal nang pagmamatyag ng mga otoridad laban sa dalawa umanong big-time drug dealer matapos na masakote sila sa isinagawang drug buy-bust operation noong biyernes mula sa isang barangay sa lungsod ng Paranaque.
Sa ulat na nakarating sa tanggapan ni PBGen Kirby John Brion Kraft, District Director ng Southern Police District (SPD) ay kinilala ang dalawang suspek na sina Fahima Matulay Akmad, alias Tita,34 anyos at Jhonix Casanova y Nanding, 23 anyos, walang permanenteng tirahan.
Napag-alaman sa inisyal na imbestigasyon ng pulisya, matagal nang nasa ‘drug watchlist’ ang mga suspek kung saan ay binabagsak nila ang illegal drugs sa Pasay at Paranaque area . Karamihan umano sa mga parokyano ng mga ito ay naninirahan sa mga lugar sa Baclaran, Tambo at barangay Sto.Nino sa Pasay City.
Dahil sa masigasig na pagmamatyag at pangangalap ng impormasyon ng mga otoridad ay agad na isinagawa ng RDEU operatives kasama ang mga tauhan ng PDEG SOU NCR, Southern Police District Drug Enforcement Unit, Drug Enforcement Unit ng Parañaque City Police Station at Pasay City Police Station kasama ang mga tauhan ng Substation 1 ng Parañaque CPS ang anti-illegal drug buy-bust operation sa 349 Quirino Ave corner 4 De Julio St., Brgy., Baclaran Parañaque City.
Nakuha at narekober sa mga naarestong suspek ang walong heat-sealed transparent sachet na naglalaman ng puting crystalline substance na hinihinalang shabu at dalawang knot-tied plastic sachet na naglalaman ng white crystalline substance na hinihinalang shabu na humigit-kumulang 530 gramo ang bigat na may DDB value na P3,604,000.00.
Ang mga suspek ay nasa kustodiya na ngayon ng pulisya para sa tamang disposisyon habang nakabinbin ang pagsasampa ng kaukulang kaso sa Parañaque City Prosecutor’s office. (JOJO SADIWA)
The post P3.6 MILYON SHABU, NAHULI SA DRUG BUY-BUST OPERATION SA PARANAQUE CITY appeared first on Police Files! Tonite.
Source: Police Files Tonite
Walang komento: