Tinatayang aabot sa P400,000.00 halaga ng shabu ang nakumpiska sa dalawang katao na kapwa tulak ng illegal na droga sa syudad ng Angeles sa lalawigan ng Pampanga.
Sa report ni P/Col.Juritz Rara kay PNP Regional Director PBGen. Jose S Hidalgo Jr., kinilala ang mga nadakip na sina Noraida Pacasum Y Adion, 31; at Marvin Guevarra Y Tayag, 24 anyos, kapwa residente ng Brgy, Pampang at Brgy. Amsic Angeles City.
Sa ulat, nadakip ang dalawang suspek sa ikinasang Anti-illegal drug Operation sa bahagi ng Diversion Road sa Brgy. Pandan.
Nakumpiska mula sa dalawang suspek ang 11 plastic sachet na naglalaman ng 55 gramo, ng shabu at P1,000.00 na mark money.
Detenido ngayon ang dalawa sa Angeles City Jail sa kasong paglabag sa RA 9165.(Thony D. Arcenal)
The post Magkaibigang tulak, timbog sa P400k shabu appeared first on Police Files! Tonite.
Source: Police Files Tonite
Walang komento: