Ni ARCHIE LIAO
PARA sa seasoned actor at bida ng ‘D Aswang Slayerz ‘ na si Mel Martinez, isang malaking karangalan ang maging kapatid ng Diamond Star na si Maricel Soriano.
Gayunpaman, nararamdaman din daw niya ang matinding pressure kapag naikukumpara siya pagdating sa naging achievements ng kanyang Ate.
“Being a brother of the Diamond Star, it’s both an honor and a pressure. Ang laki kasi ng expectations ng mga tao. Ay kapatid ni Maricel Soriano iyan. Ay naku, dapat magaling iyan. Ay ganito. So I’m on my toes, whenever I’m acting. So, palaging may pressure. Siyempre, ayaw ko namang mapahiya siya sa akin whenever I act. Gusto ko siyang maging proud sa akin. Gusto ko siyang mahigitan sa comedy. Siyempre dapat ganoon ang aspirations, kasi kung magiging kapatid ka ng Diamond Star, kailangang higitan mo siya at hindi lang magiging at par, kasi competitive rin ako, ” paliwanag niya.
Hirit pa niya, dahil halos pinagbiyak na bunga raw sila ni Maricel, na-instill na sa utak niya na kung gusto nitong magkaroon ng kalalagyan sa showbiz ay gumawa ito ng sariling pangalan o identity.
“Child star pa lang ako noon, sinabi na niya, ‘Itong pag-aartista mo, huwag mo akong gamitin. Gusto kong gumawa ka ng sarili mong pangalan. Kaya nga, forever siyang nasa channel 2, ako nasa GMA -7. I don’t wanna use her. I don’t want to be her shadow. Pinagsumikapan ko to establish my own identity, kaya dito sa pelikulang ito, naungusan ko siya, ” aniya.
First comic lead role ni Mel Martinez ang horror comedy na D’ Aswang Slayerz na iprinudyus ng Amartha Entertainment Production at idinirehe ng Wenn Deramas protegee na si Ricky Rivero mula sa iskrip ni Jerome Zamora.
Tampok din sa pelikula ang newcomer-teenstar na si Athalia Badere, at award-winning actress na si Sharmaine Arnaiz.
Palabas na ngayong Marso, kasama rin sa cast sina Magdalena Fox, Christian Antolin, Rosie Bagenben, Lester Tolentino, Benjie Rosales, Dawn Dupaya, at introducing sina GJ Dorado at Chelsea Bon.
The post Mel hihigitan sa comedy si Ate Maricel appeared first on Police Files! Tonite.
Source: Police Files Tonite
Walang komento: