Ni WENDELL ALVAREZ
MASARAP talaga interbyuhin ang isang Ruffa Gutierrez, no holds barred ang mga sagot niya sa tanong nuong nakaraang araw sa press launch ng pelikulang ‘Martyr or Murderer’ under Viva films na ginanap sa Podium.
Muling gagampanan ni Ruffa ang papel ni Madam Imelda Marcos, tulad ng pelikulang ‘Maid in Malakanyang’.
“Nag-i-enjoy talaga ako as Madam Imelda, hindi man ako kasing ganda niya pero siguro hindi nagkakalayo ang aming aura kasi marami naman ang nagsasabi na kahawig ko daw ang dating First Lady at isa pa itinatabi ko sa pagtulog ang picture niya”, natatawang pahayag ng anak ni tita Annabelle Rama.
Mahaba-haba pa raw ang gagampanan niya as Imelda kasi may pinaplano ang director na si Darryl Yap, na kukunan ito sa Hawaii nang na-exile ang family Marcos.
Ipinaliwanag naman ni Ruffa ang controversial na sign off sa ere ng show nilang tatlo nina Mariel Rodriguez at Ciara Sotto na MOMs or Mhies on a Mission.
“Sa ngayon, mapapanood pa rin ang show namin sa ALLTV dahil nag- taping pa kami bago kinausap ng management ng AMBS, mga 3 weeks pa ang natitira.
“They spoke to us and I believe it’s not a goodbye, it’s a see you later, dahil ang sabi nila magpo-pause raw muna kasi nga aayusin nila ang frequency at digital dahil parang marami ang nagrereklamo na hindi raw nila napapanood sa free TV ang mga show ng ALLTV.
“So I think it’s an internal problem, kasi hindi naman ako ang owner ng network, para sa akin normal lang iyon”, sabi pa niya.
“Di ba nuong nawalan ng franchise ang ABS, nandun din ako nakisimpatiya at umiyak, pero that’s life, kailangan tuloy ang ikot ng buhay, ano ang gagawin namin magra-rally? Eh, tapos na tayo diyan sa mga ganung sitwasyon.
“Kailangan natin mag-isip, I’m a free talent kaya pwede ako kahit saang network”, dugtong pa niya.
Sa ngayon, may mga offer daw siya sa isang network at mayroon pa sa iba.
“Siguro magugulat na lang kayo pag napanood niyo ako sa network na sinasabi ko.”
Well, abangan na lang natin si Ruffa kung anong network ang uunahin niya…Abaw Ah!!!
***
IGINAWAD sa Movie and Television Review and Classification Board (MTRCB) ang International Organization for Standardization 9001.2015 Certification o ISO.
Ang ISO certification ay nangangahulugan na ang Quality Management System QMS, ng naturang ahensiya ay nakapasa sa standard of quality na kinikilala at nirerespeto sa buong mundo.
Ang prestigious ISO certification ay natanggap ng MTRCB mula sa TUV SUD PSB Philippines, Inc., isang accredited international third party certification body dito sa bansa.
Para kay MTRCB Chairperson Lala Sotto-Antonio, buo ang kanyang pagkilala at pagpupugay sa lahat ng opisyal at kawani para sa tagumpay na natanggap ng ahensiya, “I am proud to be working alongside the men and women of the MTRCB who tirelessly strive to uplift the agency quality of service parallel to international standard. I attribute this success to our QMS core team, our employees and the member of the Board who have worked as one to make this aspiration a reality.”
The post Ruffa katabi ang piktyur ni Madam Imelda sa pagtulog appeared first on Police Files! Tonite.
Source: Police Files Tonite
Walang komento: