PBA legend Terry Saldana pumanaw na, 65

PUMANAW na ang PBA legend na si Antero “Terry” Saldana sa edad 65.

Kinumpirma ito ni PBA Commissioner Willie Marcial ng iparating sa kaniya ng dating ka-team mate nito sa Toyota na si Ed Cordero.

Hindi naman na binanggit ng kampo nito ang sanhi ng kamatayan ng beteranong basketbolista.

Ang dating Letran player napahanga ang Toyota kaya kanila itong kinuha na maglaro sa koponan.

Lalo itong nakilala ng lumipat siya sa Gilbey’s Gin noong 1983 ng mawala na sa PBA ang Toyota.

Naglaro ito hanggang sa edad na 42 at huling nagtrabaho ito bilang assistant-coach para sa D-League noong 2018.

The post PBA legend Terry Saldana pumanaw na, 65 appeared first on Police Files! Tonite.

Source: Police Files Tonite