Dasmarinas City, Cavite – Bumagsak na sa kamay ng pulisya ang itinuturing na number 2 most wanted person sa bayan ng Sta. Fe, Romblon na nagtago sa Dasmarinas, Cavite.
Ang nadakip ay si Lemuel Ravelo, 54 anyos, ng Barangay Tabugon, Sta. Fe, na naaresto ng pinagsanib na puwersa ng mga operatiba ng Regional Intelligence Division-4A (RID 4A), Cavite Provincial Intelligence Team (PIT), Provincial Intelligence Unit/PIU-DEU, at ng Sta. Fe Municipal Police Station ng Romblon Provincial Police Office sa Brgy. Sampaloc 1, Dasmarinas City, Lunes ng gabi.
Sa ulat na nakarating kay Cavite Provincial Police Office Director Col. Marlon Santos, inaresto ng mga otoridad si Ravelo sa bisa ng arrest warrant mula sa korte sa Odiongan, Romblon sa kasong rape.
Si Ravelo ay ibibiyahe patungong Odiongan para iharap s a korte. Walang piyansa para sa kanyang pansamantalang kalayaan. (Jose “Koi”Laura)
The post No. 2 most wanted sa Sta. Fe, Romblon tiklo sa Cavite appeared first on Police Files! Tonite.
Source: Police Files Tonite
Walang komento: