ARESTADO ang dalawang holdaper nang saksakin ng screwdriver ang veterinary doctor sa Quezon City.
Kinilala ang mga naaresto na sina Mico Carlo Ereve at John Patrick Deonaldo, kapwa 18-anyos. Nai-turnover na sila sa pulisya.
Sa ulat, nakuhanan ng CCTV ang pangyayari sa labas ng isang veterinary clinic sa Barangay Mariana, Quezon City.
Naaresto ang dalawang holdaper nang habulin sila ng mga barangay tanod at taumbayan. Ang isa sa kanila ay nagtago pa sa ilalim ng van pero nakita rin ng mga humabol.
Bagama’t nagtamo ng saksak sa leeg at tagiliran ay ligtas na sa kapahamakan ang doktor ng mga hayop.
Nakuha mula sa mga holdaper ang ninakaw nilang cellphone maging ang mga screwdriver na ginamit nila sa pananaksak. Paliwanag ng dalawa, nangholdap sila dala ng kahirapan sa buhay.
The post Doktor sinaksak ng 2 holdaper gamit ang screwdriver appeared first on Police Files! Tonite.
Source: Police Files Tonite
Walang komento: