Sundalo, 2 pa timbog sa bigong robbery holdap

ARESTADO ang isang sundalo at dalawang kasamahan nito sa tangkang robbery holdap sa isang negosyante sa Barangay Mate, Titay, Zamboanga Sibugay.
Kinilala ni Colonel Albert Larubis, direktor ng Zamboanga Sibugay, ang biktimang negosyante na si Dande Calago.
Ang mga nadakip naman sa bigong robbery ay sina Felix Salazar, 40 anyos; kapatid nitong si Jovanie, 37; at Joven Ocmer, 30, miyembro ng 42nd Infantry Battalion ng Philippine Army, na nakabase sa Kalawit, Zamboanga del Norte.
Ayon sa ulat, minamaneho ni Calago ang kanyang pick-up truck sakay sina Felix at Ocmer papuntang Barangay Mate para sana inspeksyunin ang ibinebentang lupa ni Jovanie.
Sa kalagitnaan ng biyahe, nagdeklara ng holdap sina Felix at Ocmer at tinalian ang kamay ng biktima gamit ang masking tape.
Nagpumiglas si Calago kaya nahulog sa daan ang sinasakyan nila at dito na siya nakatakas.
Ayon sa report, pinaputukan ng mga holdaper si Calago pero nagmintis at agad nakatakas para makahingi ng tulong sa mga residente malapit sa lugar.
Nakatakas din sina Felix at Ocmer bitbit ang pera ni Calago at iba pang mahahalagang gamit kungsaan pinaniniwalaang tinawagan nila si Jovanie para sunduin sila.
Sa ikinasang follow up operation, naaresto si Jovanie bago pa masundo ang kanyang kapatid na si Felix, at Ocmer.
Sumunod na naaresto sina Felix at Ocmer na nakumpiskahan ng dalawang baril.

The post Sundalo, 2 pa timbog sa bigong robbery holdap appeared first on Police Files! Tonite.

Source: Police Files Tonite