SINAMPAHAN na ng kaso kriminal ang isang pulis matapos manakit at magpaputok ng service firearm nang matalo sa online game na Mobile Legend sa Pandan, Antique.
Kinilala ang nasabing pulis na si Staff Sergeant Jhune Alvarez, court process officer ng Pandan Municipal Police Station.
Ayon kay Police Lt. Col. Joem Malong, spokesperson ng Police Regional Office (PRO)-VI, ni-relieve na sa posisyon at nasa ilalim na ng Antique Provincial Personnel Holding and Accounting Unit si Alvarez.
May rekomendasyon din na isinumite kay PRO-VI Director Brigadier General Rolando Miranda na ilipat si Alvarez sa Regional Personnel Holding and Accounting Unit.
Sa report na pinasa sa PRO-VI, lasing ang pulis nang mangyari ang insidente at naka-off duty ito nang matalo sa online game, nagwala at pinaputukan ng baril ang mga rumesponde na mga kabaro.
Nagpapatuloy ang imbestigasyon ng Provincial Internal Affairs Service sa kasong administratibo na isasampa laban kay Alvarez.
The post PULIS NATALO SA ‘ML’ NAGWALA, NAMARIL! appeared first on Police Files! Tonite.
Source: Police Files Tonite
Walang komento: