ARESTADO ang isang guro ng pampublikong eskuwelahan sa buy-bust operation sa Purok 2, Poblacion Nabunturan, Davao de Oro, Sabado ng gabi.
Sa report, nahulihan ang 40-anyos na hindi muna pinangalanang guro ng isang pakete ng shabu na nagkakahalaga ng P10,000.
Ayon sa Philippine Drug Enforcement Agency (PDEA), maintainer o nangangalaga ng drug den ang guro. Itinuturing din nila ito na pang-apat sa listahan ng drug suspects sa Davao de Oro.
Hinuli rin mga awtoridad ang 5 bisita ng drug den. Nakuha mula sa kanila ang 5 pakete ng shabu na nagkakahalaga ng P165,000 at drug paraphernalias.
Sasampahan ng kasong paglabag sa Republic Act 9165 o Comprehensive Dangerous Drugs Act ang mga inaresto.
The post TITSER MAINTAINER NG DRUG DEN, TIMBOG appeared first on Police Files! Tonite.
Source: Police Files Tonite
Walang komento: