ARESTADO ang isang babae nang tanggapin nito ang package na naglalaman ng ecstasy na nagkakahalaga ng P16.9 milyon.
Dinakip ng Anti-Narcotics and Customs operatives si Elisa Mae Ilas nang kunin nito ang pakete na may laman na halos 10,000 tablets ng party drugs.
Sinabi ng Philippine Drug Enforcement Agency (PDEA), dumating ang package sa Clark International Airport mula sa Belgium noong Nobyembre 3.
Ayon naman sa Bureau of Customs (BOC), ang mga iligal na droga ay nakatago sa loob ng apat na bed sheets mula sa isang shipment na idineklara bilang bed sheets, sapatos, tela, relo, at bag.
Iginiit naman ni Ilas na hindi niya kilala kung sino ang nagpadala sa kanya ng naturang package.
Kasalukuyang nakakulong si Ilas sa PDEA facility at nahaharap sa kasong paglabag sa Comprehensive Dangerous Drugs Act.
The post P16.9m ecstasy huli sa Clark appeared first on Police Files! Tonite.
Source: Police Files Tonite
Walang komento: