Francine kinilig nang malamang crush ni Seth; Yasmien happy na makatrabaho si Bea sa unang project bilang Kapuso

Ni ROMMEL PLACENTE

NATUTUWA si Yasmien Kurdi na isa siya sa cast ng local adaptation na Start-Up PH.  Pinapanood kasi niya rati ang hit 2020 K-drama series na pinagbidahan nina Bae Suzy, Nam Joo-hyuk, Kim Seon-ho, at Kang Han-na.

Gumaganap ang aktres sa papel na ginampanan ni Kang Han-na sa original version.

Sabi ni Yasminen sa interview sa kanya ng PEP.ph sa media conference ng Start-Up PH,“Siyempre masaya po ako. Kasi nung in-offer sa akin itong Start-Up, nung sinabi nga na I’ll be playing Won In-jae sa Start-Up na si Ina Diaz sa Philippine version, talagang tinanggap ko ho agad!

“Kasi sabi ko, nung una pressure siya, sabi ko, ‘Kaya ko ba?’

“’Tapos pinanood ko uli, inulit ko uli, sabi ko, ‘Parang kaya naman. Sige game, go!’

“So sobrang saya ko na naibigay sa akin itong role na ito.”

Si Bea Alonzo ang lead actress sa Start-Up PH. Ayon kay Yasmien, noong una ay inisip niya na baka hindi niya makatrabaho ang dating Kapamilya actress dahil pang-afternoon prime usually ang mga projects niya at malamang ay pang-primetime si Bea.

Pero nagkatrabaho pala sila agad sa unang project ni Bea sa Kapuso network.

“Happy din ako dahil nakatrabaho ko ngayon at first ni Bea dito sa GMA, certified Kapuso na dahil first Kapuso show mo na ito. Congratulations,” sabay-baling ni Yasmien kay Bea.

Mapapanood  na ang Star-Up PH simula ngayong gabi sa GMA Telebabad.

***

NAPANOOD namin ang video ng Gold Squad, na kabilang sina Francine Diaz at Seth Fedelin.

Tinanong ng una ang  huli kung nagka-crush ba ito sa kanya. Ang mabilis na sagot ni Seth ay oo.

Pagkarinig sa pag-amin na ‘yun ni Seth, tila kinilig si Francine at tawa nang tawa sabay sabing dati pa raw ‘yun, na crush siya ni Seth.

So alam na pala noon pa ni Francine na crush siya ni Seth.

Sabi naman ni Seth na tila nahihiya,  huwag nang magkuwento tungkol doon si Francine

Ang mga kasamahan nina Seth at Francine sa Gold Squad ay kinilig din sa rebelasyon ni Seth at sinabi nila kay Francine na ang haba ng hair nito.

The post Francine kinilig nang malamang crush ni Seth; Yasmien happy na makatrabaho si Bea sa unang project bilang Kapuso appeared first on Police Files! Tonite.

Source: Police Files Tonite