Ni ARCHIE LIAO
SA vlog ng isang kasama niya sa Squad, kumasa si Andrea Brillantes sa Sagot o Lagot challenge.
Hindi naman inurungan ng young actress ang karamihan sa mga tanong na ibinato sa kanya.
Sa kanilang tsikahan, natanong siya kung may role raw ba siyang nagampanan na hindi siya na-challenge.
As usual, umandar ang pagkataklesa ni Andrea at sinabi niyang ang papel daw niya bilang Lorrie Caballero sa seryeng “Hawak Kamay” ang masasabi niyang least favorite niya.
Ang nasabing teleserye ay pinagsamahan nila nina Piolo Pascual, Iza Calzado, Zaijan Jaranilla, Xyriel Manabat at Yesha Camille noong 2014.
Tungkol naman sa mga naging loveteam partner, naurot din siya kung sino sa mga ito ang hindi siya na-excite.
Aniya, marami raw siyang naging ka-partner tulad nina Paul Salas, Seth Fedelin at Zaijan Jaranilla pero kay Grae Fernandez daw siya nahirapan.
Nahirapan daw siya kay Grae dahil hindi sila magkapareho ng wavelength nito at bagama’t nakasama niya ito sa serye ay hindi niya masyadong nakaka-bonding.
Ibinuking din niya na niligawan daw siya ng aktor kahit ganoon kalalim ang kanilang pinagsamahan.
Tungkol naman sa kanyang pagbe-baby talk, aware raw siya na madalas na naba-bash siya tungkol dito.
Gayunpaman, wapakels na lang daw siya dahil hindi raw naman ito iyong tipong sinasadya niya.
Aminado kasi siyang noong bata pa siya ay kulang siya sa pansin at hindi siya lumaki sa parents niya.
Kumbaga, part daw ito ng childhood niya na hindi na nawala at bumabalik-balik.
Hirit pa niya, hindi raw siya nao-offend kapag naba-bash sa pagbe-baby talk dahil minsan daw ay talagang nakaugalian na niya ito at hindi ma-control.
Speaking of Andrea, usap-usapan naman ngayon ang ipinost na larawan ng actress kung saan naka-sport ito ng blonde hair.
Pauso raw ba ito ni Blythe lalo pa’t trending na topic ngayon sa social media ang Blonde, ang Netflix movie na isang fictional portrait on the life of ’60s Hollywood bombshell na si Marilyn Monroe.
May mga nanlait din sa kanya dahil di niya kering maging Monroe dahil umano sa height nito.
The post Andrea ibinuking, niligawan ni Grae appeared first on Police Files! Tonite.
Source: Police Files Tonite
Walang komento: