OPISYAL nang umupo sa puwesto ang bagong Director General ng Philippine Information Agency (PIA) na si Jose “Joe” Torres Jr.
Ito’y matapos manumpa si Torres sa harap ni Presidential Communications Office (PCO) Secretary Cheloy Garafil sa tanggapan mismo ng PIA nitong Lunes, Mayo 29,2023.
Matatandaang itinalaga ni Pang. Ferdinand Marcos Jr. si Torres bilang bagong hepe ng PIA na may ranggong undersecretary.
Pinalitan ni Torres si Mon Cualoping na matatandaang naghain ng resignation noon pang April 4, 2023.
Bago ang appointment ni Torres, napaulat na tinanggap ni Garafil ang pagbibitiw sa puwesto ni Cualoping.
Napag-alaman na bago naitalaga bilang PIA head, si Torres ay editor-at-large ng LiCAS.news at editorial consultant ng Radio Veritas Asia. Dati rin siyang opisyal ng National Press Club of the Philippines (NPC).
Si Torres ay nakapagtapos ng multimedia journalism studies mula sa Ateneo de Manila University (AdMU). (GILBERT PERDEZ)
The post PIA CHIEF OPISYAL NANG UMUPO SA PUWESTO appeared first on Police Files! Tonite.
Source: Police Files Tonite
Walang komento: