Ni ROMMEL GONZALES
PANGALAWANG beses na pagsasama sa isang pelikula nina Vin Abrenica at Aljur Abrenica ang The Revelation.
Unang nagkatrabaho ang magkapatid sa Ang Hapis At Himagsik ni Hermano Puli noong 2016.
Ano ang advantage at disadvantage na makasama sa isang pelikula ang kanyang kapatid?
“At first, honestly, ang iniisip ko yung mga disadvantage talaga noong una kasi alam mong you’re too comfortable. Which turned out to be my advantage nung nagkaroon na kami ng eksena,” umpisang sinabi ni Vin.
“Every time na nakakasama ko si Kuya sa eksena, which is super-weird para sa akin kasi sobrang sarap na kaeksena ko siya kasi parang… yes kasi totoo as an actor, as your craft, kailangan preparado ka and all.
“But parang dito it’s more comfortable, mas buo yung emosyon kasi sa sobrang daming pinagdaanan niyo na sa buhay niyo noon napakadali na lang humugot.
“Halos napagdaanan na naming lahat in our lives in our lifetime tapos ngayon sa mga eksena namin napakadaling humugot from our real-life stories to put it in the scene.
“So para sa akin mas madali, mas naging comfortable and mas naging buo yung every scene na ginawa namin.”
Ano ang nararamdaman ni Vin kapag may nagsasabing mas mahusay siyang aktor kaysa sa kuya niya?
“Honestly, for me, thank you to the people who think that way but super, it’s really flattering but at the end of the day kasi talaga he’s my brother.
“Maybe they can just say na, ‘Oh, you’re a good actor,’ but masakit lang masabi na mas magaling ka compared sa taong… itong taong ‘to, he’s my brother at mahal ko siya.
“Well to be honest, I’m just being honest, I’m pouring my heart, iyon ang nararamdaman ko.
“I’m flattered at the same time, may kurot siya sa akin.
“Ako, I look at him as a really, really good actor.
“Isa siya sa naging inspirasyon ko, I grew up watching all his teleseryes and movies from nag-start siya up to now.
“Isa ako sa mga fan niya, iyon ang masasabi ko.”
Bida sina Vin (bilang Vincent) at Aljur (bilang Lance) sa The Revelation kasama sina Ana Jalandoni (bilang si Gwen) at Jelai Andres (bilang Alex).
Ang The Revelation ay sa panulat ni Joyzel Dulay at sa direksyon ni Ray An Dulay.
Mula ito sa House of Prime Films at Hand Held Entertainment Productions ni Kate Javier at ipalalabas sa mga sinehan ngayong June 21.
***
GOING strong ang relasyon ng mag-asawang Megan Young at Mikael Daez at ayon nga kay Megan ay halos 24/7 silang magkasama lalo pa nga at halos bagong kasal pa lamang sila ay nagkaroon na ng pandemic ng COVID-19 noong March 2020 kaya halos lahat ay nasa loob lamang ng bahay.
Ano ang sekreto at parang bagong kasal pa rin sila, napaka-sweet at hindi sila nagkakasawaan kahit lagi silang magkasama?
“We just enjoy life.
“Lagi pa rin kaming may nadi-discover sa isa’t isa, I mean like with everything that we do. Like we’re creating [online] content all the time, we’re trying to keep up with the trends also so just in that in itself, andami kong natututunan sa kanya and andami rin niyang natututunan sa akin,” pahayag ni Megan na gumaganap bilang Diana sa Royal Blood na si Mikael naman ay si Kristoff.
Napapanood ang Royal Blood weeknights 8:50 p.m. sa GMA at 11:30 p.m. mula Lunes hanggang Huwebes at 11 p.m. tuwing Biyernes sa GTV.
Sa direksyon ni Dominic Zapata, nasa Royal Blood sina Rabiya Mateo (bilang Tasha), Dion Ignacio (bilang Andrew), Lianne Valentin (bilang Beatrice), at may mahalagang papel naman sa serye si Tirso Cruz III bilang si Gustavo Royales.
Nasa cast din sina Ces Quesada (bilang Aling Cleofe), Benjie Paras (bilang Otep), Carmen Soriano (bilang Camilla), at Arthur Solinap (bilang Emil).
Kasama rin sa serye ang Sparkle Teens na sina James Graham (bilang Louie), Aidan Veneracion (bilang Archie), Princess Aliyah (bilang Anne) at ang child actress na si Sienna Stevens (bilang Lizzie).
The post Megan at Mikael ibinunyag ang sekreto kaya ‘di nagkakasawaan bilang mag-asawa appeared first on Police Files! Tonite.
Source: Police Files Tonite
Walang komento: