ANG labis na kasiyahan ay biglang napalitan nang kalungkutan matapos bumulaga sa harap ng ng isang mamamahayag ang nagkalat na mga gamit nito sa loob ng kanilang kuwarto na umano’y kagagawan ng ilang grupo ng Akyat-Bahay Gang na naglipana sa lungsod ng Paranaque.
Nanggagalaiti sa galit si Celestino ‘Jojo’ Sicat, nasa hustong-gulang, reporter ng DZRJ / Abante On-Line News at naninirahan sa Bacoor City, Cavite nang bumungad sa kanya,gayundin sa misis na si Maricar ang kanilang nagkalat na mga damit,pabango, iba pang personal belongings mula sa nasirang kabinet at drawer ng silid.
Ayon kay Sicat na siya ring Pangulo ng Southern Metro Manila Press Club ( SMMPC), bandang alas-4 ng madaling araw ( Martes ) nang umuwi ang mag-asawang Sicat sa kanilang Joyukis KTV bar na matatagpuan sa kahabaan ng Airport Road, malapit sa kanto ng G.G Cruz St., Baclaran, Paranaque City.
Nabatid sa ulat na nagbakasyon ang mag-asawang Sicat sa kanilang bahay sa Bacoor City, Cavite upang doon mag-celebrate ng noche buena kasama ang kanilang masayang pamilya. Masuwerte naman at hindi iniwan ni Sicat ang kanyang pera at mga alahas sa nasabing lugar kaya walang natangay ang mga suspek.
Sa isang panayam ng SPD Tri-Media group chat ay naniniwala si Sicat na ‘inside job’ ang ginawang panloloob sa kanilang silid na nasa 3rd floor ng gusali dahil hindi ninakaw ang tablet ng kanyang anak at cellphone nito.
Samantala, natukoy na rin ng pulisya ang ‘persons of interest’ base na rin sa nakalap na impormasyon na ibinigay ni Sicat na posibleng responsable sa naturang insidente. (JOJO SADIWA)
The post AKYAT BAHAY GANG, SUMALAKAY SA KUWARTO NG DZRJ AT ABANTE REPORTER appeared first on Police Files! Tonite.
Source: Police Files Tonite
Walang komento: