Tsismis ang ugat: Babae patay sa saksak ng hipag

PATAY ang isang babae sa pananaksak ng kaniyang hipag sa Sitio Kinawayan, Barangay Baganihan, Marilog, Davao City, Martes ng gabi.
Kinilala ang biktima na si Delia Mamayas, magsasaka; at ang salarin kinilalang si Irene Oral, magsasaka.
Sa ulat, sumuko si Oral sa Marilog Police Station matapos ang krimen.
Ayon sa report, dati nang may sama ng loob ang isa’t isa dahil umano sa tsismis tungkol sa kabit.
Ayon naman kay Oral, bigla siyang sinunggaban ng biktima habang papunta sa sakahan. Pero nakailag siya at tumakbo patungo sa bahay ng kaniyang kapatid.
Pag-uwi niya, inatake na naman daw siya gamit ang bato at kahoy na panggatong. Kaya dumipensa si Oral at nasaksak ang biktima ng tatlong beses sa iba’t ibang bahagi ng katawan dahilan ng kamatayan nito.

The post Tsismis ang ugat: Babae patay sa saksak ng hipag appeared first on Police Files! Tonite.

Source: Police Files Tonite