NASAWI ang magkapatid na magkaangkas sa motorsiklo nang nawalan ng balanse ang driver nang tangayin ng hangin ang helmet ng angkas nito at bumangga sa harang na bakal sa gilid na kalsada sa Dasmariñas City, Cavite, Huwebes ng madaling-araw.
Kinilala ang magkapatid na sina John Michael Vincent Oyao, 24 anyos, binata; at Shane Ashley Oyao, 18, kapwa residente ng Mary Cris Complex, Camachile, Gen. Trias City, Cavite na kapwa namatay sa pinangyarihan ng insidente.
Sa ulat ni SSgt. Jesus Bae ng Dasmariñas City Police Station, kapwa magkaangkas sa isang motorsiklo ang magkapatid habang binabagtas ang kahabaan ng D. Mangubat Avenue, Brgy. Zone 4, Dasmarinas, 4:30 ng madaling-araw pero pagsapit sa tapat ng Army Navy restaurant ay tinangay ng malakas na hangin ang helmet na suot ni Shane, dahil sa mabilis na pagpapatakbo ni John.
Nawalan ng balanse sa manibela si John, nadulas at bumangga sila sa isang bakal na harang sa gilid ng kalsada na nagresulta sa kanilang agarang kamatayan.
The post Helmet tinangay ng hangin: Mag-utol patay sa motorsiklo appeared first on Police Files! Tonite.
Source: Police Files Tonite
Walang komento: