Ni ARCHIE LIAO
INIHAYAG na ng Dreamscape Entertainment na may gagawing teleserye ang Diamond Star na si Maricel Soriano sa Kapamilya network.
Bagama’t wala pang detalye kung ano ang proyekto at kung sinu-sino ang bubuo ng cast, maraming fans ni Maria ang na-excite dahil magiging aktibo na naman ang kanilang idolo sa paggawa ng serye.
Sa kanya namang Instagram account, ipinost ng aktres ang litrato kasama ang Dreamscape head na si Deo Endrinal kung saan nagpasalamat siya sa nasabing ehekutibo.
Dahil dito, may ilan namang faney ang gustong pagsabungin sila ng Megastar na si Sharon Cuneta.
Anila, it’s about time na raw na magsama sila sa isang serye at magpatalbugan sa pag-arte.
Kung mangyayari raw ito ay matutupad na ang malaon nang inaabangan ng mga kafaneyan na magkabugan sa acting ang dalawa with matching eksena ng sampalan at sabunutan.
Para raw itong thrilla na kailangang abangan kung matutuloy man ito.
Sina Sharon at Maricel ay magkaribal hindi lang sa awards kundi sa box office noong dekada 80 at 90.
Pag nababanggit nga ang pangalang Maricel ay hindi maiiwasang ikumpara siya kay Sharon na kanyang kakontemporaryo.
May mga nagplano na noong pagsamahin sila sa isang proyekto pero sa kung anumang kadahilanan ay hindi ito natutuloy.
Si Maricel ay huling napanood sa hit revenge drama na “Ang Sa Iyo Ay Akin”under JRB Creative Production.
Huli siyang gumawa ng serye sa Dreamscape unit noong 2019 via “The General’s Daughter”kasama si Angel Locsin.
Huli namang napanood ang Megastar sa seryeng “FPJ’s Ang Probinsyano” na iprinudyus din ng unit ni Endrinal.
Katunayan, sinabi ni Sharon na nabitin siya sa naging partisipasyon niya sa sa naturang TV series ni Coco Martin kaya naman humirit siya na sana raw ay magkaroon ng Part 2 ang kanilang nagwakas na aksyonserye.
Kung matutuloy ang banggaang Sharon-Maricel, hindi raw kaya magkaroon ng problema ang produksyon sa billing ng dalawa?
Speaking of Maricel, inanunsyo na ng Dreamscape Entertainment na may gagawing teleserye ang Diamond Star na makakasama niya ang Kapamilya actor na si Paulo Avelino.
The post Sharon at Maricel inaabangan ang kabugan sa pagsasama sa serye appeared first on Police Files! Tonite.
Source: Police Files Tonite
Walang komento: